Bindia
રિયાઝ પટેલ, ભરૂચ/ આજ રોજ મહિલા આર્થિક વિકાસ નિગમ, ગાંધીનગર દ્વારા ભરૂચ ખાતે “મહિલા આર્ટ એન્ડ ક્રાફ્ટ ફેસ્ટિવલ”નું ભવ્ય ઉદ્ઘાટન કરવામાં આવ્યું હતું. આ ફેસ્ટિવલનો મુખ્ય હેતુ મહિલાઓને આર્થિક રીતે સશક્ત બનાવવાનો, તેમની હસ્તકલા અને સર્જનાત્મકતાને પ્રોત્સાહન આપવાનો તેમજ સ્થાનિક ઉત્પાદનોને વ્યાપક બજાર ઉપલબ્ધ કરાવવાનો છે.
કાર્યક્રમનું ઉદ્ઘાટન ડીડીઓ યોગેશ કાપસે તથા પ્રયોજના વહીવટદાર નિશા ચૌધરીના હસ્તે કરવામાં આવ્યું હતું. આ અવસરે તેમણે મહિલાઓના આત્મનિર્ભર બનવાના પ્રયાસોને બિરદાવ્યા હતા અને આવા આયોજનોથી સ્થાનિક કલા અને હસ્તકલા ક્ષેત્રને વધુ વેગ મળશે તેવી આશા વ્યક્ત કરી હતી.
કાર્યક્રમ દરમિયાન મહિલા અને બાળ અધિકારી કચેરીના મહિલા અને બાળ અધિકારી , દહેજ પ્રતિબંધક અધિકારી તેમજ તમામ કર્મચારીઓ, માહિતી કચેરીના પ્રતિનિધિઓ અને પત્રકાર મિત્રો મોટી સંખ્યામાં ઉપસ્થિત રહ્યા હતા.
ફેસ્ટિવલમાં વિવિધ પ્રકારની હસ્તકલાની વસ્તુઓ, ઘરગથ્થુ ઉત્પાદનો અને કલા પ્રદર્શનનું આયોજન કરવામાં આવ્યું છે. સ્થાનિક મહિલાઓ દ્વારા તૈયાર કરવામાં આવેલા આ ઉત્પાદનોને નાગરિકો તરફથી ઉત્સાહભેર પ્રતિસાદ મળ્યો હતો.આ ફેસ્ટિવલ મહિલાઓ માટે સ્વરોજગારના નવા માર્ગો ખુલ્લા કરશે અને ભરૂચ જિલ્લામાં મહિલા ઉદ્યોગસાહસિકતાને નવી દિશા આપશે તેવી અપેક્ષા વ્યક્ત કરવામાં આવી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
