અમિત શાહે આપ્યું સાયબર ખતરા અંગે મોટું એલર્ટ, મોબાઇલમાં ડેટા સુરક્ષિત નથી

ભારત ઝડપી ગતિથી ડિજિટલ યુગમાં આગળ વધતું હોવા છતાં ગૃહ મંત્રી અમિત શાહે સ્પષ્ટ ચેતવણી આપી છે કે મોબાઈલ અને ડિજિટલ પ્લેટફોર્મમાં આપનો ડેટા હવે સુરક્ષિત નથી. તેમણે કહ્યું કે સાઇબર ફ્રોડ અને ડેટા ચોરી હવે માત્ર વ્યક્તિગત નુકસાનની બાબત નથી, પરંતુ રાષ્ટ્રીય સુરક્ષાને જોખમ પહોંચાડે છે.

અમિત શાહે જણાવ્યું કે સંવેદનશીલ ડેટા દુશ્મન તત્વોના હાથમાં જાય તો આ અર્થતંત્ર, ડિજિટલ ઇન્ફ્રાસ્ટ્રક્ચર અને રાષ્ટ્રની કામગીરીને અસર કરી શકે છે. બેંકિંગ, ટેક્સ, હેલ્થ, ટેલિકોમ અને નાગરિકોની ખાનગી માહિતી હવે મોટા પાયે ડિજિટલ પ્લેટફોર્મ પર ઉપલબ્ધ છે. ખોટા હાથમાં આ માહિતી જાય તો તેનો પ્રભાવ વ્યક્તિગત અને રાષ્ટ્રીય સ્તરે ગંભીર થાય છે.

સરકાર અને તપાસ એજન્સીઓએ મળીને અત્યાર સુધી લગભગ 8,000 કરોડ રૂપિયાની સાઇબર ઠગાઈ અટકાવી છે. આ સફળતા રિયલ-ટાઇમ ડિટેક્શન, ફંડ ટ્રેસિંગ અને ટેકનોલોજી આધારિત મિકેનિઝમ્સની મદદથી શક્ય બની છે.

આ સમયમાં સાઇબર ફ્રોડ હવે એકલદોકલ ઘટનામાં નથી. ફર્જી સિમ કાર્ડ, નકલી વેબસાઇટ, કોલ ફોરવર્ડિંગ અને સોશિયલ એન્જિનિયરિંગ જેવા ઉપાયો દ્વારા વ્યાપક ઠગાઈ થઈ રહી છે. અનેક પરતર્સા ગેંગ્સ વ્યક્તિને છેતરવા માટે કાર્યરત હોય છે.

આ સ્થિતિને પહોંચી વળવા Indian Cyber Crime Coordination Centre (I4C) અને CBI સાથે વ્યાપક રણનીતિ તૈયાર કરી રહી છે. સરકાર હવે રિપોર્ટિંગ, રોકથામ અને ઝડપી પ્રતિભાવ પર વધુ ભાર મૂકી રહી છે.

આંકડાઓ બતાવે છે કે 2023-24માં UPI સંબંધિત સાઇબર ફ્રોડના કેસ 13.42 લાખ નોંધાયા, જેમાં 1,087 કરોડ રૂપિયાનું નુકસાન થયું. 2024-25માં ડિજિટલ ટ્રાન્ઝેક્શનનો વોલ્યુમ 18,000 કરોડથી વધુ ટ્રાન્ઝેક્શન સુધી પહોંચ્યો.

સરકારનું માનવું છે કે માત્ર ટેકનોલોજી પર નિર્ભર રહીને સમસ્યાનો ઉકેલ શક્ય નથી. નાગરિકોની સાવચેતી, ઝડપી રિપોર્ટિંગ સિસ્ટમ, એજન્સીઓ વચ્ચે સંકલન અને ડિજિટલ પ્લેટફોર્મની જવાબદારી મહત્વપૂર્ણ છે. આ તમામ પગલાંથી જ ભારતની ડિજિટલ સુરક્ષા મજબૂત થઈ શકે છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in