Bindia
અમેરિકાના કેલિફોર્નિયામાં સાન ફ્રાન્સિસ્કો બે એરિયામાં સોમવારે વહેલી સવારે ભૂકંપના આંચકા અનુભવાયા. યુ.એસ. જીઓલોજિકલ સર્વે (USGS) ના ડેટા અનુસાર, સાન રામોન અને આસપાસના વિસ્તારોમાં ટૂંકા ગાળામાં એકસાથે 14 જેટલા ભૂકંપના આંચકા નોંધાયા, જેના કારણે લોકોમાં ભય અને ગભરાટનો માહોલ સર્જાયો.
તીવ્ર ભૂકંપનું કેન્દ્ર
સોમવારે સવારે 7 વાગ્યે સૌથી શક્તિશાળી આંચકો 4.2 તીવ્રતાનો નોંધાયો, જે સાન રામોનના દક્ષિણ-પૂર્વમાં સ્થિત હતું. આ અસર ઓકલેન્ડ, રિચમંડ, સાન લેઆન્દ્રો અને હેવર્ડ સુધી અનુભવાઈ. સાન ફ્રાન્સિસ્કોના ગ્લેન પાર્ક અને નોપા વિસ્તારમાં રહેનાર લોકોએ બારીઓ ધ્રૂજતી હોવાનું જણાવ્યું. બીજાં આંચકાઓની તીવ્રતા 2.5 થી 3.9 વચ્ચે નોંધાઈ, અને તમામનું કેન્દ્ર સાન રામોનના અલ્કોસ્ટા બુલેવાર્ડની આસપાસ હતું. આ વિસ્તાર છેલ્લા એક મહિનાથી ભૂકંપના આંચકા અનુભવતો રહ્યો છે. ગત નવેમ્બર-ડિસેમ્બરમાં અહીં 87 જેટલા આંચકા નોંધાયા હતા.
રેલવે વ્યવહાર પર અસર
ભૂકંપને કારણે પ્રાદેશિક ટ્રેન સેવા BART દ્વારા તાત્કાલિક એલર્ટ જારી કરવામાં આવ્યું. ટ્રેનોની ગતિ ઘટાડવા સાથે સુરક્ષા તપાસ હાથ ધરવામાં આવી, જેના કારણે ટ્રેનો લગભગ 20 મિનિટ મોડા રહ્યા. હજી સુધી જાનમાલના નુકસાનના કોઈ અહેવાલ પ્રાપ્ત થયા નથી.
વૈજ્ઞાનિકોનું મંતવ્ય
વિશ્વસનીય નિષ્ણાતો આ ઘટનાને અર્થક્વેક સ્વાર્મ (Earthquake Swarm) તરીકે ઓળખાવે છે, જેનો અર્થ છે કે કોઈ ચોક્કસ નાના વિસ્તારમાં વારંવાર ભૂકંપના આંચકા આવવા. આ વિસ્તાર કેલાવેરાસ ફોલ્ટ (Calaveras Fault) પર આવેલો છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
