ઉત્તર પ્રદેશના બહરાઇચમાં દુર્ઘટના : કૌડિયાલા નદીમાં હોડી પલટી, 20થી વધુ લોકો ગુમ

ઉત્તર પ્રદેશના બહેરાઇચ જિલ્લામાં મોટી દુર્ઘટના સામે આવી છે. કૌડિયાલા નદીમાં એક હોડી પલટી જતા 20થી વધુ લોકો ગુમ થયા હોવાનું પ્રાથમિક અહેવાલો પરથી જાણવા મળ્યું છે. ઘટના બનતાની સાથે જ આસપાસના ગામોમાં ચકચાર મચી ગઈ હતી. નદીમાં વહેતા લોકોને બચાવવા માટે તાત્કાલિક બચાવ દળોને એલર્ટ કરવામાં આવ્યા છે.

પ્રાપ્ત માહિતી મુજબ, આ હોડીમાં સ્થાનિક ગામલોકો બજાર તરફ જઈ રહ્યા હતા, ત્યારે હોડી અચાનક સંતુલન ગુમાવીને પલટી ગઈ. હોડીમાં કુલ કેટલા લોકો સવાર હતા તે અંગે હજી સ્પષ્ટ માહિતી મળી નથી, પરંતુ 20થી વધુ લોકો ગુમ થયા છે અને કેટલાક લોકોને સ્થાનિક માછીમારો અને ગ્રામજનો દ્વારા બચાવાયા છે.

સ્થાનિક વહીવટીતંત્રે ઘટના બાદ NDRF અને SDRFની ટીમોને તાત્કાલિક ઘટનાસ્થળે મોકલી દીધી છે, જ્યાં બચાવ કામગીરી ચાલી રહી છે. પોલીસ અને વહીવટી અધિકારીઓ પણ સ્થળ પર હાજર છે અને પરિસ્થિતિ પર સતત નજર રાખી રહ્યા છે.

બહેરાઇચના ડીએસપી મુખ્યાલયે જણાવ્યું કે ઘટનાની જાણ થતા જ તમામ તંત્રને ચેતવણી આપી દેવામાં આવી છે અને બચાવ કામગીરીને ઝડપથી પૂર્ણ કરવા સૂચના આપવામાં આવી છે. સ્થાનિક હોસ્પિટલોમાં તાત્કાલિક સારવારની વ્યવસ્થા પણ ઉભી કરવામાં આવી છે.

અધિકારીઓ મુજબ, નદીના જોરદાર પ્રવાહ અને ધૂંધળા હવામાનને કારણે બચાવ કામગીરીમાં મુશ્કેલી પડી રહી છે, પરંતુ ટીમો સતત પ્રયાસ કરી રહી છે. ગુમ થયેલા લોકોની શોધ ચાલુ છે અને હોડી પલટવાની ચોક્કસ કારણોની તપાસ પણ હાથ ધરવામાં આવી છે.

 

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in