Bindia
પાકિસ્તાન અને અફઘાનિસ્તાન વચ્ચે ચાલી રહેલી યુદ્ધવિરામ વાટાઘાટો આખરે નિષ્ફળ નીવડી છે. બંને દેશોના સરકારી માધ્યમોએ વાટાઘાટો તૂટી પડવા માટે એકબીજાને જવાબદાર ઠેરવ્યા છે. પાકિસ્તાની અધિકારીઓના જણાવ્યા મુજબ, કાબુલ સરકારે પાકિસ્તાનની “કાયદેસર માંગણીઓ” સ્વીકારવાનો ઇનકાર કર્યો હતો, જેના કારણે વાટાઘાટો અટકી ગઈ છે.
પાકિસ્તાનની મુખ્ય માંગણીઓ
પાકિસ્તાને અફઘાનિસ્તાન પાસે સ્પષ્ટ ખાતરી માંગી હતી કે તેની જમીનનો ઉપયોગ પાકિસ્તાન વિરુદ્ધ આતંકવાદી હુમલાઓ માટે નહીં કરવામાં આવે. પાકિસ્તાની રક્ષણ અધિકારીઓએ જણાવ્યું કે અફઘાનિસ્તાનમાં રહેલી તેહરીક-એ-તાલિબાન પાકિસ્તાન (TTP) ની પ્રવૃત્તિઓ સતત વધતી જઈ રહી છે, જેના કારણે સરહદી વિસ્તારોમાં અશાંતિ વધી રહી છે.
અફઘાનિસ્તાને તેના પ્રતિભાવમાં જણાવ્યું કે તેની ટીમ રચનાત્મક વાટાઘાટો માટે પ્રતિબદ્ધ હતી, પરંતુ પાકિસ્તાની પક્ષે હઠીલો વલણ અપનાવ્યું.
ખ્વાજા આસિફનું વિવાદાસ્પદ નિવેદન
વાટાઘાટો નિષ્ફળ ગયા બાદ પાકિસ્તાનના સંરક્ષણ પ્રધાન ખ્વાજા આસિફનું તાજેતરનું નિવેદન ફરી ચર્ચામાં આવ્યું છે. તેમણે ચેતવણી આપી હતી કે “જો વાટાઘાટો નિષ્ફળ જશે, તો પાકિસ્તાન પાસે ખુલ્લા યુદ્ધ સિવાય બીજો કોઈ વિકલ્પ નહીં રહે.” આ નિવેદન આંતરરાષ્ટ્રીય સ્તરે ચિંતા ઊભી કરે છે, ખાસ કરીને ત્યારે જ્યારે વિશ્વ પહેલાથી જ અનેક યુદ્ધો અને તણાવોનો સામનો કરી રહ્યું છે.
ચોથા રાઉન્ડની વાટાઘાટો અસ્પષ્ટ
હાલ બંને દેશોના પ્રતિનિધિઓ તુર્કીમાં હાજર છે, પરંતુ ચોથા રાઉન્ડની વાટાઘાટો માટે તારીખ નક્કી થઈ નથી. પહેલો રાઉન્ડ 18-19 ઓક્ટોબરના રોજ દોહા, કતારમાં યોજાયો હતો. કતાર અને તુર્કી બંને મધ્યસ્થીની ભૂમિકા નિભાવી રહ્યા છે.
સરહદી અથડામણમાં જાનહાનિ
તાજેતરમાં પાકિસ્તાને અફઘાનિસ્તાનમાં હવાઈ હુમલાઓ કર્યા હોવાનું દાવો કર્યો છે, જેમાં ઘણા અફઘાન સૈનિકો અને આતંકવાદીઓને માર્યા ગયા હતા.
જોકે તાલિબાનએ દાવો કર્યો કે આ હુમલાઓમાં 12 નાગરિકો માર્યા ગયા અને 100થી વધુ ઘાયલ થયા. રવિવારે સરહદ પાર ફરી મોટી અથડામણ થઈ હતી, જેમાં 5 પાકિસ્તાની સૈનિકો અને 25 અફઘાન લડવૈયાઓના મોત થયા હોવાનું પાકિસ્તાને જણાવ્યું હતું.
ભારત-અફઘાનિસ્તાન સંબંધોમાં સુધારો
આ તણાવ વચ્ચે, ભારત અને તાલિબાન વચ્ચેના સંબંધોમાં સુધારો જોવા મળી રહ્યો છે. અફઘાન વિદેશ મંત્રી અમિર ખાન મુત્તાકીની તાજેતરની દિલ્હી મુલાકાત બાદ ભારતે કાબુલમાં પોતાનું દૂતાવાસ ફરી શરૂ કરવાની જાહેરાત કરી છે.
મુત્તાકીએ ભારતીય વિદેશ મંત્રી એસ. જયશંકર સાથે મુલાકાત દરમિયાન પહેલગામ આતંકવાદી હુમલાની નિંદા કરી હતી અને ખાતરી આપી હતી કે તાલિબાન ભારત વિરુદ્ધ કોઈપણ પ્રવૃત્તિ થવા નહીં દે.
પાક-અફઘાન વાટાઘાટોના નિષ્ફળ નિવાડા પછી બંને દેશો વચ્ચે તણાવ વધ્યો છે, અને ખ્વાજા આસિફના નિવેદનથી યુદ્ધની અણધારી શક્યતાઓ વધતી જણાઈ રહી છે. વિશ્વ સમુદાય હવે આ સંકટ પર નજીકથી નજર રાખી રહ્યો છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
