Bindia Digital
IPL 2025ની ટક્કરમાં ગુજરાત ટાઇટન્સ સામે મળેલી સાત વિકેટની હાર બાદ સનરાઈઝર્સ હૈદરાબાદના કેપ્ટન પેટ કમિન્સે કહ્યું કે ટીમના 152 રનના ટાર્ગેટને બચાવવું મુશ્કેલ બન્યું, ખાસ કરીને GTના પેસર્સ સામે બેટિંગ કરવી પડકારજનક હતી.
રાજીવ ગાંધી ઇન્ટરનેશનલ સ્ટેડિયમ ખાતે રમાયેલી મેચમાં SRH પ્રથમ બેટિંગ કરતી 20 ઓવરમાં 152/8 પર અટકી ગઈ. ગુજરાત તરફથી મોહમ્મદ સિરાજે 17 રનમાં 4 વિકેટ ઝડપી ને કારકિર્દીનો શ્રેષ્ઠ IPL સ્પેલ કર્યો. જયારે પ્રસિદ્ધ કૃષ્ણ અને રાશિદ ખાને પણ 2-2 વિકેટ ઝડપીને SRHની ઈનિંગ પર બ્રેક લગાવી દીધો.
SRH તરફથી નીતિશ રેડ્ડીએ 31 રન અને પેટ કમિન્સે 9 બોલમાં અણનમ 22 રન (3 ચોગ્ગા, 1 છગ્ગો) બનાવતાં સ્કોરને 150 પાર પહોંચાડ્યો.હાર બાદ કમિન્સે કહ્યું, “હૈદરાબાદની વિકેટ હંમેશા કંઈક પડકારજનક હોય છે. થોડી પાતળી વિકેટ અને ઓછી સ્પિન હતી, પણ ઝાકળને કારણે પણ અસર પડી. GTના પેસર્સ સામે રમવું ખાસ કરીને મુશ્કેલ રહ્યું.”
આ પણ વાંચો:- IPLમાં નિવૃત્તિ અંગે ધોનીએ તોડ્યું મૌન, અફવાઓ જંગલની આગની જેમ ફેલાઈ
જવાબમાં, GTના કૅપ્ટન શુભમન ગિલે અણનમ 61 રન, વોશિંગટન સુંદરના 49 અને શેરફેન રધરફોર્ડના અણનમ 35 રનની મદદથી ટીમને 20 બોલ બાકી રહી વિજય અપાવ્યો.ટાઇટન્સ માટે ડેબ્યૂ કરનાર વોશિંગટન સુંદર ખુશ જણાયો. તેણે કહ્યું, “મને સુકાનીએ સલાહ આપી કે મારી ઈનિંગ લાંબી ખેંચીશ. મેચના પરિસ્થિતિને ધ્યાનમાં રાખીને હું રમત પૂરી કરવા માંગતો હતો. હૈદરાબાદમાં 160-170 રનના પીછા કરવી સરળ રહે છે એ હું જાણતો હતો.”
Follow us On Social Media
YouTube : https://www.youtube.com/@BIndiaDigital
Instagram : https://www.instagram.com/bindiadigital/
Website : https://bindia.co/
TWITTER : https://x.com/buletin_india
FOLLOW ON WHATSAPP : https://whatsapp.com/channel/0029Va4rXSZ5q08d1AuVRO2I
Bindia
