Bindia
પદ્મ વિભૂષણ પુરસ્કાર માટે પાંચ હસ્તીઓની પસંદગી કરવામાં આવી છે, જ્યારે પદ્મ ભૂષણ પુરસ્કાર માટે ૧૩ હસ્તીઓ અને પદ્મશ્રી પુરસ્કાર માટે ૧૧૩ હસ્તીઓની પસંદગી કરવામાં આવી છે.
વર્ષ 2026 માટે કેન્દ્ર સરકાર દ્વારા કુલ 131 હસ્તીઓને પદ્મ પુરસ્કારોથી સન્માનિત કરવાની જાહેરાત કરવામાં આવી છે. કેન્દ્રીય ગૃહ મંત્રાલય દ્વારા જાહેર કરાયેલી યાદી મુજબ અભિનેતા ધર્મેન્દ્ર સહિત પાંચ હસ્તીઓને પદ્મ વિભૂષણ, 13 હસ્તીઓને પદ્મ ભૂષણ અને 113 હસ્તીઓને પદ્મશ્રી પુરસ્કાર આપવામાં આવશે.
આ યાદીમાં વિવિધ ક્ષેત્રોમાં ઉત્કૃષ્ટ યોગદાન આપનાર વ્યક્તિઓનો સમાવેશ કરવામાં આવ્યો છે. રમતગમત જગતમાંથી 9 હસ્તીઓ, કલા ક્ષેત્રે વિશેષ કાર્ય બદલ 44 હસ્તીઓ અને સામાજિક કાર્યમાં યોગદાન બદલ 13 લોકોને પદ્મ પુરસ્કારથી સન્માનિત કરવામાં આવશે.
પદ્મ પુરસ્કારો દેશના સર્વોચ્ચ નાગરિક પુરસ્કારોમાં સ્થાન ધરાવે છે. આ પુરસ્કારો ત્રણ શ્રેણીમાં આપવામાં આવે છે:
– પદ્મ વિભૂષણ: અસાધારણ અને વિશિષ્ટ સેવા બદલ
– પદ્મ ભૂષણ: ઉત્તમ સેવા બદલ
– પદ્મશ્રી: કોઈપણ ક્ષેત્રમાં ઉત્કૃષ્ટ સેવા બદલ
આ વર્ષે પુરસ્કાર વિજેતાઓમાં 19 મહિલાઓનો સમાવેશ થાય છે. ઉપરાંત યાદીમાં 6 વિદેશી/NRI/PIO/OCI શ્રેણીના વ્યક્તિઓ અને 16 મરણોત્તર પુરસ્કાર વિજેતાઓનો પણ સમાવેશ કરવામાં આવ્યો છે.
પદ્મ પુરસ્કારોની જાહેરાત દર વર્ષે પ્રજાસત્તાક દિવસની પૂર્વસંધ્યાએ કરવામાં આવે છે, જ્યારે આ પુરસ્કારોનું વિતરણ સામાન્ય રીતે માર્ચ અથવા એપ્રિલ મહિનામાં રાષ્ટ્રપતિ ભવનમાં આયોજિત સમારોહ દરમિયાન ભારતના રાષ્ટ્રપતિ દ્વારા કરવામાં આવે છે.
દેશના વિવિધ ક્ષેત્રોમાં અદ્વિતીય યોગદાન આપનાર આ તમામ હસ્તીઓને પદ્મ પુરસ્કારથી સન્માનિત કરવાની જાહેરાતને વ્યાપક પ્રશંસા મળી રહી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
