Bindia
કેલિફોર્નિયાના પામ સ્પ્રિંગ્સ શહેરમાં શનિવારે એક ક્લિનિકની બહાર થયેલા શક્તિશાળી બોમ્બ વિસ્ફોટમાં એક વ્યક્તિનું મોત થયું હતું અને ચાર અન્ય ઘાયલ થયા હતા. ફેડરલ બ્યુરો ઓફ ઇન્વેસ્ટિગેશન (FBI) એ આ ઘટનાને “ઇરાદાપૂર્વકનું આતંકવાદી કૃત્ય” ગણાવ્યું. FBI ના લોસ એન્જલસ ફિલ્ડ ઓફિસના સહાયક નિર્દેશક અકિલ ડેવિસે જણાવ્યું હતું કે પોલીસ આ મામલાની તપાસ કરી રહી છે. આ ઉપરાંત, તેમણે કોઈપણ માહિતી શેર કરવાનો ઇનકાર કર્યો છે.
ડેવિસે જણાવ્યું હતું કે મૃતકની ઓળખ હજુ સુધી જાહેર કરવામાં આવી નથી અને તે સ્પષ્ટ નથી કે હુમલો કરનાર એ જ વ્યક્તિ હતો કે નહીં. આ ઘટનાથી પરિચિત બે કાયદા અમલીકરણ અધિકારીઓએ નામ ન આપવાની શરતે જણાવ્યું હતું કે આ ઘટનાની તપાસ સંભવિત કાર બોમ્બ તરીકે કરવામાં આવી રહી છે.
વિસ્ફોટથી અનેક ઇમારતોને થયું નુકશાન
પોલીસનું કહેવું છે કે આ વિસ્ફોટથી આસપાસની ઘણી ઇમારતોને પણ નુકસાન થયું છે. અમેરિકન રિપ્રોડક્ટિવ સેન્ટરની સમગ્ર અમેરિકામાં 3 શાખાઓ છે. “વિસ્ફોટના અવાજથી બધા ગભરાઈ ગયા હતા, પરંતુ આવા અકસ્માતો આપણને ડરાવી શકતા નથી,” ક્લિનિકના ડૉક્ટર માહેર અબ્દુલ્લા કહે છે.
જે ક્લિનિકને નિશાન બનાવવામાં આવ્યું હતું તે ‘અમેરિકન રિપ્રોડક્ટિવ સેન્ટર્સ’ છે જે પ્રજનન સારવાર પૂરી પાડે છે. ક્લિનિકના ડિરેક્ટર ડૉ. માહેર અબ્દુલ્લાએ પુષ્ટિ આપી કે વિસ્ફોટમાં ક્લિનિકને નુકસાન થયું હતું. જોકે, તેમણે રાહત વ્યક્ત કરી કે બધા કર્મચારીઓ સુરક્ષિત છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: b_india.digital
