Bindia
પશ્ચિમ એશિયામાં અમેરિકા-ઇઝરાયલ અને ઈરાન વચ્ચે યુદ્ધના 14મા દિવસે સ્થિતિ તણાવસભર બની છે. મિસાઈલોના હુમલાઓ અને ઊર્જા બજાર પર કાબૂ મેળવવાના પ્રયાસ વચ્ચે એક તરફ દાવાઓ અને બીજા તરફ વૈશ્વિક ઓઈલ સપ્લાયની ચિંતા વધી રહી છે.
મોજતબા ખામેનેઈની તબિયત અંગે સનસનાટી ભર્યા દાવા
બ્રિટિશ અખબાર ‘ધ સન’ના અહેવાલ અનુસાર, ઈરાનના નવા સર્વોચ્ચ નેતા મોજતબા ખામેનેઈ હાલ કોમામાં છે અને 28 ફેબ્રુઆરીના હુમલામાં તેમને પેટ અને લિવરમાં ગંભીર ઈજાઓ આવી છે. અહેવાલ મુજબ, મોજતબાએ એક પગ ગુમાવ્યો છે અને તેઓ તેહરાનની સિના યુનિવર્સિટી હોસ્પિટલમાં સારવાર હેઠળ છે. 8 માર્ચે સુપ્રીમ લીડર તરીકે નિયુક્ત થવા છતાં તેઓ અત્યાર સુધી જાહેરમાં દેખાયા નથી.
AI દ્વારા ફેરફાર કરેલી તસવીર વાઈરલ
ઈરાનના સરકારી મીડિયા દ્વારા પ્રસારિત મોજતબાની નવી તસવીર એ હકીકતમાં AI (આર્ટિફિશિયલ ઈન્ટેલિજન્સ) દ્વારા બદલાયેલી જૂની રેલીની તસવીર છે. આ તસવીર SynthID ટૂલની તપાસમાં અસલી ન હોવાનું બહાર આવ્યું છે. 28 ફેબ્રુઆરીના હુમલાઓ બાદ મોજતબાની ગુપ્તતા અને ફેરફાર કરેલી તસવીરોને કારણે તેમની ગંભીર ઈજાગ્રસ્તી અંગે સંકેત વધ્યો છે.
ટ્રમ્પનો રશિયન ઓઈલ સંબંધિત મોટો નિર્ણય
LPG અને ઈંધણના ભાવમાં વધારો થવા પામતા અમેરિકાના પ્રમુખ ડોનાલ્ડ ટ્રમ્પે 11 એપ્રિલ 2026 સુધી રશિયન ક્રૂડ ઓઈલ અને પેટ્રોલિયમ ઉત્પાદનો પરના પ્રતિબંધો હટાવી દીધા છે. આ નિર્ણયનો હેતુ બજારમાં સપ્લાય વધારવો અને $100 પાર થયેલા તેલના ભાવને નીચે લાવવાનો છે. આ પગલાં ભારત અને ચીન જેવા દેશમાં ઊર્જા બજાર માટે રાહત આપશે.
ઈરાનની ખુલ્લી ધમકી
ઈરાનના નવા સુપ્રીમ લીડર મોજતબા ખામેનેઈ પર દબાણ વચ્ચે ઈરાનની સૈન્ય પ્રવક્તાએ ચેતવણી આપી છે કે, જો ઇઝરાયલ કે અમેરિકાએ તેમના ઉર્જા મથકો પર હુમલો કર્યો તો ઈરાન સમગ્ર મિડલ ઈસ્ટના તેલ અને ગેસ સંસાધનો તબાહ કરી નાખશે. ઈરાને સ્પષ્ટ કર્યું છે કે આ કાર્યવાહીથી અમેરિકાને અને તેના સહયોગી દેશોને મળતા ફાયદા કાયમ માટે ખતમ થઈ જશે.
અત્યાર સુધી, મિડલ ઈસ્ટમાં તણાવ વધી રહ્યો છે અને આંતરરાષ્ટ્રીય બજારોમાં તેલના ભાવ અને સપ્લાયને લગતી ચિંતા વધતી જ રહી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
