Bindia
ગુજરાત રાજ્ય માર્ગ વાહન વ્યવહાર નિગમ (GSRTC) દ્વારા એસટી બસના ભાડામાં 3 ટકાનો વધારો કરવામાં આવ્યો છે. આ નવા ભાડા આજ મધરાતથી એટલે કે 1 જાન્યુઆરી 2026થી અમલમાં આવશે. નવા વર્ષની શરૂઆત સાથે જ રાજ્યના મુસાફરોને મોંઘવારીની ભેટ મળી છે. આ વધારાથી રાજ્યના અંદાજે 27 લાખ દૈનિક મુસાફરો પર વધારાનો બોજ પડશે.
GSRTC દ્વારા જણાવવામાં આવ્યું છે કે મુસાફરોને વધુ સારી અને ગુણવત્તાયુક્ત સેવાઓ ઉપલબ્ધ કરાવવા માટે આ નિર્ણય લેવાયો છે. નોંધનીય છે કે છેલ્લા 9 મહિનામાં ભાડામાં બીજી વખત વધારો કરવામાં આવ્યો છે.
કેટલું ભાડું વધ્યું?
– લોકલ બસમાં 9 કિમી સુધી કોઈ ભાડા વધારો નહીં
– 10 થી 60 કિમીના અંતરે મુસાફરી માટે રૂ. 1નો વધારો
– સરેરાશ ભાડામાં 3 ટકાનો વધારો લાગુ
અગાઉ કેટલા વખત વધારો થયો હતો?
– માર્ચ 2025માં GSRTC દ્વારા ભાડામાં 10 ટકાનો વધારો કરવામાં આવ્યો હતો
– 1 ઓગસ્ટ 2023ના રોજ, લગભગ 10 વર્ષ બાદ, એસટી ભાડામાં 25 ટકા સુધીનો મોટો વધારો કરવામાં આવ્યો હતો
– 2023માં 48 કિમી સુધીના અંતરે રૂ. 1થી રૂ. 6 સુધીનો વધારો લાગુ કરાયો હતો
GSRTCના જણાવ્યા મુજબ, વધતા ઇંધણ ખર્ચ, જાળવણી ખર્ચ અને સેવાઓ સુધારવાના હેતુથી ભાડામાં સુધારો અનિવાર્ય બન્યો હતો. જોકે, નવા વર્ષના આરંભે થયેલા આ વધારાને લઈ મુસાફરોમાં મિશ્ર પ્રતિભાવ જોવા મળી રહ્યો છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
