એર ઇન્ડિયાની ગંભીર બેદરકારી: સલામતી પ્રમાણપત્ર વિના ઉડતું રહ્યું વિમાન, હજારો મુસાફરોનો જીવ જોખમમાં

એર ઇન્ડિયામાં સલામતી સંબંધિત એક મોટી બેદરકારીનો ચોંકાવનારો કેસ બહાર આવ્યો છે. એરલાઇનનું એરબસ A320 વિમાન લગભગ એક મહિના સુધી માન્ય એરવર્થિનેસ રિવ્યૂ સર્ટિફિકેટ (ARC) વિના જ ઉડાણ ભરતી રહ્યું હતું, જેના કારણે નવેમ્બરમાં હજારો મુસાફરોનો જીવ જોખમમાં મુકાયો હતો.

ARC વગર ઉડતું રહ્યું ‘ફ્લાઇંગ બોમ્બ’
વાણિજ્યિક ઉડ્ડયનમાં એરવર્થિનેસ રિવ્યૂ સર્ટિફિકેટ (ARC) ફરજિયાત હોય છે. આ પ્રમાણપત્ર ખાતરી આપે છે કે વિમાન તમામ ટેકનિકલ, જાળવણી અને સલામતી ધોરણોને અનુસરે છે. ARC દરેક 12 મહિનાએ નવિન કરવું જરૂરી છે. એર ઇન્ડિયાના A320 વિમાનનું ARC સમાપ્ત થયા બાદ પણ વિમાન એક મહિના સુધી નિયમિત ઉડ્ડયન કરે છે—જેને વિમાનન નિષ્ણાતોએ “ફ્લાઇંગ બોમ્બ” જેવી સ્થિતિ કહી છે.

ભૂલ આંતરિક ચકાસણીમાં પકડી
આ ગંભીર ચૂક કોઈ બાહ્ય નિરીક્ષણમાં નહીં પરંતુ એર ઇન્ડિયાની પોતાની આંતરિક પાલન દેખરેખ (compliance audit) દરમિયાન પકડી પડી. તુરંત જ નાગરિક ઉડ્ડયન મહાનિર્દેશાલય (DGCA) ને જાણ કરવામાં આવી હતી અને એરલાઇનને કારણ દર્શાવવાનો નોટિસ મળવાની શક્યતા છે.

એર ઇન્ડિયાની કાર્યવાહી: અધિકારીઓ સસ્પેન્ડ
એર ઇન્ડિયાએ ઘટનાને અત્યંત ગંભીર ગણાવી છે અને ARC નવીનીકરણમાં બેદરકારી બતાવનાર તમામ સંબંધિત અધિકારીઓને તાત્કાલિક અસરથી સસ્પેન્ડ કરવામાં આવ્યા છે. એરલાઇનના એક અધિકારીએ જણાવ્યું “સલામતી પ્રોટોકોલથી કોઈપણ પ્રકારનું વિચલન અમે બિલ્કુલ સહન કરી શકતા નથી. જવાબદારી નક્કી કરવા આંતરિક તપાસ શરૂ કરી છે.”

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in