Bindia
ન્યૂ સાઉથ વેલ્સ પોલીસની વિશેષ ટાસ્ક ફોર્સે એક મોટું આંતરરાષ્ટ્રીય બાળ યૌન શોષણ રેકેટ ભેદી કાઢ્યું છે. પોલીસે સિડનીના અલગ-અલગ વિસ્તારમાં દરોડા પાડી ચાર મુખ્ય આરોપીઓને ધરપકડ કરી લીધી છે. આ લોકો પર નાના બાળકોના યૌન શોષણ જોડાયેલી સામગ્રી ઓનલાઇન શેર કરવાનો ગંભીર આરોપ છે.
એન્ક્રિપ્ટેડ પ્લેટફોર્મ પરથી મળ્યા સંકેતો
ન્યૂ સાઉથ વેલ્સ પોલીસ અનુસાર તપાસ દરમિયાન એક એન્ક્રિપ્ટેડ ઓનલાઇન પ્લેટફોર્મ પર શંકાસ્પદ પ્રવૃત્તિઓ નજરમાં આવી હતી. તપાસ આગળ વધતા જાણવા મળ્યું કે આરોપીઓનું નેટવર્ક એક આંતરરાષ્ટ્રીય બાળ શોષણ જૂથ સાથે જોડાયેલું હતું. ડિટેક્ટિવ સુપરિન્ટેન્ડેન્ટ જેન ડોહર્ટીએ જણાવ્યું કે આ કેસ સામાન્ય નહોતો, કારણ કે શેર કરવામાં આવેલી સામગ્રીમાં બાળકો પર અત્યાચાર કરતી વખતે ધાર્મિક વિધિઓ અને શૈતાની પ્રતીકોનો ઉપયોગ જોવા મળ્યો હતો.
દરોડા દરમિયાન ઇલેક્ટ્રોનિક ઉપકરણો જપ્ત
ગયા ગુરુવારે કરાયેલા દરોડામાં પોલીસે અનેક ઇલેક્ટ્રોનિક ઉપકરણો જપ્ત કર્યા છે, જેમાં હજારો ગેરકાયદેસર વિડિઓઝ રાખવામાં આવ્યા હતા. આ સામગ્રીમાં અમુક મહિનાના શિશુઓથી લઈને 12 વર્ષ સુધીના બાળકો સામેલ હોવાનું પ્રાથમિક તપાસમાં બહાર આવ્યું છે.
વૈશ્વિક નેટવર્ક સાથે કડીઓ
પોલીસે જણાવ્યું કે આરોપીઓ એવા વૈશ્વિક નેટવર્કનો ભાગ હતા જ્યાં વિવિધ દેશોમાં બેઠેલા લોકો વચ્ચે સંવેદનશીલ અને ગેરકાયદેસર વીડિયો શેર કરવામાં આવતા હતા. આરોપીઓએ વીડિયો પોતે બનાવ્યા નહોતા, પરંતુ તેઓ તેને શેર કરતા અને તેના પર ચર્ચાઓ કરતા હતા. અધિકારીઓ હાલમાં વૈશ્વિક એજન્સીઓ સાથે મળીને પીડિતોની ઓળખ, વીડિયો ક્યાં રેકોર્ડ થયા અને આ રેકેટમાં અન્ય કોણ-કોણ સામેલ છે તેની તપાસ કરી રહ્યા છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
