Bindia
ઇસ્ટ આફ્રિકાના દેશ મોઝામ્બિકમાં એક ગંભીર બોટ દુર્ઘટના સર્જાઈ છે, જેમાં ત્રણ ભારતીય નાગરિકોનો દુખદ અવસાન થયો છે અને એક વ્યક્તિ ઘાયલ થયો છે. દુર્ઘટના મોઝામ્બિકના બીરા પોર્ટ નજીક ગુરુવારે બની હતી, જ્યારે એક લોન્ચ બોટ ટેન્કર પર કાર્યરત ક્રુ મેમ્બર્સને લઈ જઈ રહી હતી. આ દુર્ઘટનાની પૃષ્ટિ ભારતીય હાઈ કમિશને શનિવારે કરી હતી.
બોટ પલટી જતાં 3 ભારતીયોનો લેવાયો ભોગ
બોટમાં કુલ 14 ભારતીય નાગરિક સવાર હતા. યાત્રા દરમિયાન બોટ અચાનક પલટી ગઈ હતી. હજુ સુધી દુર્ઘટનાનું ચોક્કસ કારણ સામે આવ્યું નથી અને મામલે તપાસ ચાલુ છે. સ્થાનિક તંત્ર અને પોર્ટ અધિકારીઓ દ્વારા તાત્કાલિક બચાવ કામગીરી હાથ ધરાઈ હતી. જેમાં પાંચ નાગરિકોને સફળતાપૂર્વક બચાવી લેવામાં આવ્યા છે, જ્યારે એક વ્યક્તિને ઈજાઓ સાથે હોસ્પિટલમાં દાખલ કરવામાં આવ્યો છે.
હાઈ કમિશન તાત્કાલિક કાર્યરત, પરિવારજનોના સંપર્કમાં
ભારતીય હાઈ કમિશનના જણાવ્યા અનુસાર તેઓ મૃતકોના પરિવારજનોના સંપર્કમાં છે અને દરેક સંભવ સહાય પૂરી પાડી રહ્યા છે. હોસ્પિટલમાં દાખલ ઘાયલ વ્યક્તિની પણ મુલાકાત લઈ જરૂરી સારવાર અને સમર્થન પુરૂ પાડવામાં આવ્યું છે. હાઈ કમિશન દ્વારા સોશ્યલ મીડિયા પર જાહેર સંવેદના વ્યક્ત કરવામાં આવી છે.
ભારત-મોઝામ્બિક સંબંધોનું મહત્વ
મોઝામ્બિક અને ભારત વચ્ચે ઐતિહાસિક અને આર્થિક દ્રષ્ટિએ મજબૂત સંબંધો છે. ભારતીય હાઈ કમિશનની માહિતી મુજબ, આજથી પણ લગભગ 20,000 મોઝામ્બિક નાગરિકોના મૂળ ભારત સાથે સંબંધિત છે. મોટાભાગના લોકો ગુજરાત, ગોવા અને દમણ-દીવથી સંબંધ ધરાવે છે. હાલમાં મોઝામ્બિકમાં અંદાજે 3000 ભારતીય નાગરિક વસવાટ કરે છે, જે મુખ્યત્વે વેપાર અને વિવિધ કંપનીઓમાં કાર્યરત છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
