Bindia
સુરેન્દ્રનગરના ચર્ચિત 1500 કરોડ રૂપિયાના જમીન કૌભાંડ કેસમાં હવે સૌથી મોટી વહીવટી કાર્યવાહી સામે આવી છે. કેસમાં સંડોવાયેલા પૂર્વ કલેક્ટર રાજેન્દ્ર પટેલને સત્તાવાર રીતે સસ્પેન્ડ કરવામાં આવ્યા છે. એન્ફોર્સમેન્ટ ડિરેક્ટોરેટ (ED) દ્વારા ધરપકડ બાદ રાજ્ય સરકારના સામાન્ય વહીવટ વિભાગે સસ્પેન્શનનો આદેશ બહાર પાડ્યો છે.
મળતી માહિતી મુજબ, EDએ મની લોન્ડરિંગ સહિતના ગંભીર આરોપો હેઠળ રાજેન્દ્ર પટેલની ધરપકડ કરી હતી. ત્યારબાદ તેમને અદાલતમાં રજૂ કરવામાં આવ્યા હતા, જ્યાંથી હાલ પાંચ દિવસના રિમાન્ડ પર મોકલવામાં આવ્યા છે.
આ જમીન કૌભાંડમાં સરકારી જમીનના ગેરકાયદેસર હસ્તાંતરણ, ખોટી ફાઇલો અને ખોટા દસ્તાવેજો દ્વારા મોટા પાયે નાણાકીય લાભ મેળવવામાં આવ્યો હોવાનો આરોપ છે. તપાસ એજન્સીઓ મુજબ આ સમગ્ર કૌભાંડની રકમ અંદાજે 1500 કરોડ રૂપિયા જેટલી છે.
રાજ્ય સરકાર દ્વારા લેવામાં આવેલી આ કાર્યવાહી બાદ વહીવટી તંત્રમાં પણ હલચલ મચી ગઈ છે. સૂત્રો અનુસાર, આ કેસમાં અન્ય અધિકારીઓ અને ખાનગી વ્યક્તિઓની ભૂમિકા અંગે પણ તપાસ ચાલી રહી છે અને આવનાર દિવસોમાં વધુ ધરપકડ અથવા કાર્યવાહી થઈ શકે છે.
ઉલ્લેખનીય છે કે રાજ્યમાં જમીન કૌભાંડો સામે કડક વલણ અપનાવવામાં આવી રહ્યું છે અને ED તથા અન્ય એજન્સીઓ દ્વારા સતત તપાસ આગળ વધારવામાં આવી રહી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
