Bindia
રિલાયન્સ જિયો, એરટેલ અને વોડાફોન આઈડિયા જો આ ત્રણમાંથી કોઈ પણ કંપનીના સીમકાર્ડનો ઉપયોગ તમે કરી રહ્યા છો તો તો તમારા માટે મહત્વના સમાચાર સામે આવ્યા છે. Jio, Airtel અને VI એ તેમના કરોડો યુઝર્સ માટે એક નવી સેવા શરૂ કરી છે. ટેલિકોમ કંપનીઓએ તેમની સંબંધિત વેબસાઇટ્સ પર તેમના નેટવર્ક કવરેજ નકશા અપલોડ કર્યા છે.
થોડા સમય પહેલા, ટેલિકોમ રેગ્યુલેટરી ઓથોરિટી ઓફ ઈન્ડિયાએ ટેલિકોમ કંપનીઓને વેબસાઇટ પર નેટવર્ક કવરેજ મેપ બતાવવાનો નિર્દેશ આપ્યો હતો. ટ્રાઈના આ નિર્દેશ પાછળનો હેતુ મોબાઈલ યુઝર્સ ને કંપનીની વાયરલેસ અને બ્રોડબેન્ડ સેવાઓ ક્યાં ઉપલબ્ધ છે તે જાણવાનો હતો. જેને લઈ હવે ત્રણ કંપનીઑએ આ નકશા અપલોડ કર્યા છે.
ટેલિકોમ ટોકના એક અહેવાલ મુજબ, ટ્રાઈએ ટેલિકોમ કંપનીઓને નિર્દેશો જારી કરતી વખતે કહ્યું હતું કે સેવાની ગુણવત્તાના દૃષ્ટિકોણથી મોબાઇલ નેટવર્ક કવરેજની માહિતી ખૂબ જ મહત્વપૂર્ણ છે. નેટવર્ક કવરેજ મેપ્સ ફીચરની મદદથી, યુઝર્સ સેવા લેતી વખતે વધુ સારો નિર્ણય લઈ શકશે. ટ્રાઈના આ નિર્દેશને અનુસરીને, નેટવર્ક કવરેજ મેપ્સ હવે Jio, Airtel અને VI દ્વારા લાઈવ કરવામાં આવ્યા છે.
યુઝર્સને થશે આ ફાયદો
Jio, Airtel અને VIનો નેટવર્ક કવરેજ નકશો હવે વેબસાઇટના ફૂટરમાં જોવા મળશે . હવે તમે તમારા સર્વિસ ઓપરેટરની નેટવર્ક સેવાને વિવિધ સ્થળોએ સરળતાથી ચકાસી શકો છો. જો તમે નવું સિમ ખરીદવા જઈ રહ્યા છો, તો હવે તમે અગાઉથી તપાસ કરી શકો છો કે તમારા વિસ્તારમાં કઈ કંપનીના નેટવર્કમાં વધુ સારી કનેક્ટિવિટી છે.
આ રીતે ચેક કરો કવરેજ
એરટેલ તેના ગ્રાહકોને નેટવર્ક કવરેજ મેપ પર 2G, 4G અને 5G કનેક્ટિવિટી ચેક કરવાનો ઓપ્શન મળી ગયો છે. જો તમે એરટેલ કંપનીનું સીમ કાર્ડ વાપરી રહ્યા છો તો તમારે airtel.in/wirelesscoverage/ ની પર ચેક કરી શકો છો. Jio માટે 4G+5G, 5G, અથવા 4G નેટવર્ક ચેક કરવાનો વિકલ્પ આપી રહી છે. જિયો યુઝર્સ એ jio.com/selfcare/coverage-map/ પર મેપ ચેક કરી શકો છો. જ્યારે VI યુઝર્સ myvi.in/vicoverage વેબસાઇટની મુલાકાત લઈને નેટવર્ક કવરેજ ચેક કરી શકો છો.
Follow us On Social Media
YouTube : https://www.youtube.com/@BIndiaDigital
Instagram : https://www.instagram.com/bindiadigital/
Website : https://bindia.co/
TWITTER : https://x.com/buletin_india
FOLLOW ON WHATSAPP : https://whatsapp.com/channel/0029Va4rXSZ5q08d1AuVRO2I
