ગુજરાત ભાજપ સંગઠનની જાહેર કરાયેલ નવી ટીમની આવતીકાલે કમલમ ખાતે મહત્વની બેઠક

ગુજરાત પ્રદેશ ભાજપ પ્રમુખ તરીકે જગદીશ વિશ્વકર્માની નિમણૂંક બાદ ભાજપ પ્રદેશ સંગઠનની નવી ટીમની સત્તાવાર જાહેરાત કરવામાં આવી છે. શનિવારે મોડી રાતે જાહેર કરાયેલી આ ટીમમાં મહામંત્રી, ઉપપ્રમુખ સહિત વિવિધ મહત્વના હોદ્દેદારોની નિમણૂંક કરવામાં આવી છે.

નવી ટીમની જાહેરાત બાદ આવતીકાલે સવારે 10 વાગ્યે ગાંધીનગર સ્થિત કમલમ ખાતે મહત્વની બેઠક યોજાશે. પ્રદેશ પ્રમુખ જગદીશ વિશ્વકર્માની અધ્યક્ષતામાં યોજાનારી આ બેઠકમાં મહામંત્રી, ઉપપ્રમુખ, મંત્રીઓ તેમજ વિવિધ મોરચાના પ્રદેશ આગેવાનો હાજર રહેશે. બેઠકમાં આગામી કાર્યક્રમોની રૂપરેખા, સંગઠનને વધુ મજબૂત બનાવવાની રણનીતિ તેમજ 2027માં આવનારી વિધાનસભાની ચૂંટણી અંગે વિસ્તૃત ચર્ચા કરવામાં આવશે.

ભાજપ પ્રદેશ સંગઠનના નવા હોદ્દેદારોની યાદી
ભાજપ પ્રદેશ સંગઠનમાં ચાર મહામંત્રીઓની નિમણૂંક કરવામાં આવી છે. જેમાં
– અનિરૂદ્ધ દવે (કચ્છ)
– ડો. પ્રશાંત કોરાટ (રાજકોટ)
– અજય બ્રહ્મભટ્ટ (ખેડા)
– હિતેન્દ્ર ચૌહાણ (સુરેન્દ્રનગર)

મુખ્ય પ્રવક્તા તરીકે ડો. અનિલ પટેલની નિમણૂંક કરવામાં આવી છે, જ્યારે મીડિયા ઈન્ચાર્જ તરીકે પ્રશાંત વાળાની જવાબદારી સોંપવામાં આવી છે. ડો. પરિન્દુ ભગતને કોષાધ્યક્ષ અને મોહન કુંડારિયાને સહ-કોષાધ્યક્ષ બનાવવામાં આવ્યા છે.

આ ઉપરાંત કિસાન મોરચા, યુવા મોરચા, મહિલા મોરચા, એસસી-એસટી, ઓબીસી તેમજ અલ્પસંખ્યક મોરચાના પ્રદેશ પ્રમુખોની પણ જાહેરાત કરવામાં આવી છે. નવી સંગઠન ટીમ સાથે ભાજપ આગામી સમયમાં સંગઠનાત્મક મજબૂતી અને ચૂંટણીલક્ષી તૈયારી પર વિશેષ ભાર મુકશે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in