Bindia
ગુજરાત સરકારે રોજગારી ક્ષેત્રે મોટું પગલું ભરતા 10 વર્ષીય ભરતી કેલેન્ડર (2024-2033) જાહેર કર્યું છે. આ યોજના હેઠળ રાજ્યના વિવિધ વિભાગોમાં 2 લાખથી વધુ સરકારી ભરતી કરવામાં આવશે, જેના કારણે યુવાનો માટે રોજગારીની મોટી તકો ઉભી થશે.
વિધાનસભામાં સામાન્ય વહીવટ વિભાગની અંદાજપત્રીય માગણીઓ પર ચર્ચા દરમિયાન મંત્રી ઈશ્વરસિંહ પટેલે જણાવ્યું કે રાજ્ય સરકાર ‘સુશાસન, સેવા, સંકલ્પ અને સમર્પણ’ના મંત્ર સાથે કાર્ય કરી રહી છે.
GYAN આધારિત બજેટ પર ભાર
વર્ષ 2026-27ના બજેટમાં ગરીબ, યુવા, અન્નદાતા અને નારી શક્તિના સશક્તિકરણ પર ધ્યાન કેન્દ્રિત કરવામાં આવ્યું છે.
UPSC તાલીમ માટે ખાસ આયોજન
રાજ્યના યુવાનોને રાષ્ટ્રીય સ્તરે આગળ લાવવા માટે SPIPA દ્વારા UPSC તાલીમને પ્રોત્સાહન આપવામાં આવી રહ્યું છે. અમદાવાદ, ગાંધીનગર, વડોદરા, સુરત, રાજકોટ અને મહેસાણા ખાતે 635 ઉમેદવારો તાલીમ લઈ રહ્યા છે. અત્યાર સુધીમાં 348 ઉમેદવારો UPSCમાં સફળ થયા છે.
વિકાસ માટે ગ્રાંટમાં વધારો
– ધારાસભ્ય વિસ્તાર વિકાસ ગ્રાંટ ₹1.5 કરોડથી વધારી ₹2.5 કરોડ
– જિલ્લા આયોજન માટે ₹500 કરોડનો વધારો
– જિલ્લા પંચાયત પ્રમુખોને ₹1 કરોડ ફાળવણી
– નગરપાલિકા ગ્રાંટમાં પણ વધારો
– કર્મચારીઓ માટે સ્વાસ્થ્ય સુરક્ષા
‘ગુજરાત કર્મયોગી સ્વાસ્થ્ય સુરક્ષા યોજના’ હેઠળ 6.5 લાખ કર્મચારીઓને ₹10 લાખ સુધીની કેશલેસ સારવારની સુવિધા આપવામાં આવી છે.
ડિજિટલ પારદર્શિતા તરફ પગલું
‘CM ડેશબોર્ડ’, ‘મારી યોજના પોર્ટલ’ અને ‘આયોજન પોર્ટલ’ દ્વારા 680થી વધુ યોજનાઓની માહિતી ઓનલાઈન ઉપલબ્ધ કરાઈ છે.
અન્ય મહત્વપૂર્ણ પગલાં:
– ‘ગુજરાત વહીવટી સુધારણા પંચ (GARC)’ રચના
– ‘મિશન કર્મયોગી’ હેઠળ 1.75 લાખ કર્મચારીઓને તાલીમ
– ‘RTPMS 2.0’ દ્વારા અધિકારીઓની કામગીરીનું રિયલ-ટાઈમ મૂલ્યાંકન
આમ, રાજ્ય સરકારે રોજગારી, વિકાસ અને પારદર્શિતા તરફ મહત્વપૂર્ણ પગલાં ભરતા યુવાનો અને નાગરિકો માટે નવી આશા ઉભી કરી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
