Bindia
કોંગ્રેસના વરિષ્ઠ નેતા મણિશંકર ઐય્યર હવે પોતાના જ પક્ષના નેતાઓ સામે નારાજગી વ્યક્ત કરી રહ્યા છે. તેમણે તિરુવનંતપુરમના સાંસદ શશિ થરૂર, વરિષ્ઠ નેતાઓ પવન ખેરા અને જયરામ રમેશનું નામ લીધું છે અને દાવો કર્યો છે કે કોંગ્રેસ કેરળ વિધાનસભા ચૂંટણી જીતી શકશે નહીં. ઉલ્લેખનીય છે કે, ઐય્યરે તાજેતરમાં જ કહ્યું હતું કે મુખ્યમંત્રી પિનરાઈ વિજયન કેરળના મુખ્યમંત્રી રહેશે. કોંગ્રેસે આ નિવેદનથી પોતાને દૂર રાખ્યા છે.
એક મીડિયા સાથે વાત કરતાં મણિશંકર ઐયરે પક્ષના નેતા પવન ખેરાના નિવેદન પર ભારે નારાજગી વ્યક્ત કરી, તેમને કઠપૂતળી ગણાવ્યા. તેમણે કહ્યું, “પવન ખેરાએ બે વર્ષ પહેલાં કહ્યું હતું કે હું કોઈપણ રીતે કોંગ્રેસનું પ્રતિનિધિત્વ કરતો નથી. તેથી આ કંઈ નવું નથી. તે કોંગ્રેસની કઠપૂતળી છે, પ્રવક્તા નથી. તે એક હતાશ IAS અધિકારી છે જે અહીં આવ્યો છે અને છેલ્લા બે વર્ષથી મારી સાથે દુર્વ્યવહાર કરી રહ્યાં છે.”
કોંગ્રેસની ચૂંટણી તૈયારીઓ અંગે તેમણે કહ્યું, “હું ઈચ્છું છું કે કોંગ્રેસ જીતે, પણ મને નથી લાગતું કે તે જીતશે. કારણ કે કોંગ્રેસના નેતાઓ વિભાજિત છે. તેઓ ડાબેરીઓ કરતાં એકબીજાને વધુ નફરત કરે છે.” ઐયરે થરૂરને લઈ મહત્વનું નિવેદન આપતા કહ્યું છે કે, થરૂરને આગામી વિદેશ મંત્રી બનવાની મહત્વાકાંક્ષા છે. તેમણે ઉમેર્યું હતું કે જયરામ રમેશે પોતાની નોકરી બચાવવાની જરૂર છે.
પિનરાઈ વિજયન મામલે શું કહ્યું ?
મણિશંકર ઐયરે રવિવારે વિશ્વાસ વ્યક્ત કર્યો કે સીપીઆઈ(એમ) નેતા પિનરાઈ વિજયન કેરળના મુખ્યમંત્રી તરીકે ચાલુ રહેશે. તેમણે મહાત્મા ગાંધીના ભારત માટેના વિઝનને યાદ કર્યું. તેમણે કહ્યું કે રાષ્ટ્રપિતાએ એક એવા દેશની કલ્પના કરી હતી જ્યાં ગરીબમાં ગરીબ વ્યક્તિ પણ પોતાનાપણાની ભાવના અનુભવે અને રાષ્ટ્રનિર્માણમાં અસરકારક ભૂમિકા ભજવી શકે. તેમણે કહ્યું કે તે વિડંબનાત્મક લાગે છે કે આ લક્ષ્ય તરફ સૌથી પ્રશંસનીય પ્રગતિ કરતું રાજ્ય કેરળ છે, જ્યાં “માર્ક્સવાદી-લેનિનવાદી પાર્ટી ઓફ ઈન્ડિયા” શાસિત છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
