પૂર્ણેશ મોદી બન્યા ગુજરાત વિધાનસભાના ઉપાધ્યક્ષ, જાણો કોણ છે આ નેતા

આજે ગુજરાત વિધાનસભાના બજેટ સત્રની શરૂઆત થઈ છે. આ સાથે જ આજે સત્રના પહેલા દિવસે વિધાનસભાના ઉપાધ્યયક્ષની ચૂંટણી યોજાઇ હતી. . દિનેશ ઠાકોરે શૈલેષ પરમારના નામે પ્રસ્તાવ રજૂ કર્યો હતો, જ્યારે જીતુ વાઘાણીએ પૂર્ણેશ મોદીના નામનો પ્રસ્તાવ મૂકવામાં આવ્યો હતો. શૈલેષ પરમારના પ્રસ્તાવને બહુમતી ધારાસભ્યોએ અસ્વીકાર કર્યો હતો અને પૂર્ણેશ મોદીના સમર્થનમાં બહુમતી મળી હતી અને તેમની જીત થઈ છે.

વિધાનસભાના ઉપાધ્યયક્ષની ચૂંટણીમાં આમ આદમી પાર્ટીના ધારાસભ્યોએ કોંગ્રેસ કે ભાજપનહીં પણ નોટા તરફ મતદાન કર્યું હતું.જીત બાદ વિધાનસભા ઉપાધ્યક્ષ તરીકે પૂર્ણેશ મોદીની સત્તાવાર જાહેરાત કરવામાં આવી હતી.

જાણો કોણ છે પૂર્ણેશ મોદી
ભાજપના નેતા પૂર્ણેશ મોદીનો જન્મ 22 ઓક્ટોબર 1965ના રોજ સુરતમાં થયો હતો. વર્ષ 2022ની સામાન્ય વિધાનસભાની ચૂંટણીમાં સુરત પશ્ચિમ મતવિસ્તારથી ધારાસભ્ય તરીકે ચૂંટાઈ આવ્યા હતા. પૂર્ણેશ મોદીની રાજકીયસફર સ્થાનિક સ્તરથી શરૂ થઈ હતી. વર્ષ 2000થી 2005 દરમિયાન તેઓ સુરત મહાનગરપાલિકામાં કોર્પોરેટર પણ રહી ચૂક્યા હતા .

વર્ષ 2013થી છે ધારાસભ્ય
વર્ષ 2009થી 2012 અને ફરી 2013થી 2016 દરમિયાન તેઓ સુરત શહેર ભાજપ પ્રમુખ તરીકે પણ સેવા આપી ચૂક્યા છે. વર્ષ 2013માં તત્કાલીન ધારાસભ્ય કિશોરભાઈના અવસાન બાદ યોજાયેલી પેટાચૂંટણીમાં ભાજપે પૂર્ણેશ મોદીને ઉમેદવાર બનાવવામાં આવ્યા હતા. વિધાનસભાની પ્રથમ ચૂંટણીમાં જ પૂર્ણેશ મોદીએ જીત મેળવી હતી. વર્ષ 2017ની વિધાનસભા ચૂંટણીમાં ભાજપે તેમને ફરી ઉમેદવાર બનાવ્યા અને ફરી ચૂંટણી જીત્યા. ભૂપેન્દ્ર પટેલની સરકાર રચાઈ ત્યારે પૂર્ણેશ મોદીને કેબિનેટ મંત્રી તરીકે સ્થાન મળ્યું હતું. તેઓ માર્ગ અને મકાન વિભાગના મંત્રી બન્યા હતા. ત્યાર બાદ ફરી વર્ષ 2022ની ચૂંટણીમાં ફરી ભાજપે પૂર્ણેશ મોદીને ફરી મેદાને ઉતાર્યા ને ફરી જીત મેળવી પરંતુ મંત્રી મંડળમાં સ્થાન નથી મળ્યું.

રાહુલ ગાંધી સામે કર્યો હતો કેસ
કર્ણાટકમાં રાહુલ ગાંધીના 2019ની લોકસભા ચૂંટણીના પ્રચારમાં મોદી સરનેમ મામલે ટિપ્પણી કરી હતી. જેમાં કથિત રીતે કહેવામાં આવ્યું હતું કે “બધા ચોરોની અટક મોદી કેમ છે?” જેને લઈને પૂર્ણેશ મોદીએ ફરિયાદ દાખલ કરી હતી, જેમાં રાહુલ ગાંધીને સુરત કોર્ટે દોષિત ઠેરવ્યા હતા અને 23 માર્ચે બે વર્ષની સજા ફટકારી હતી. દોષી ઠેરવ્યા બાદ કોંગ્રેસના પૂર્વ અધ્યક્ષ રાહુલ ગાંધીને લોકસભાના સભ્યપદેથી અયોગ્ય ઠેરવવામાં આવ્યા હતા.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in