Bindia
ગોવાના અરપોરા વિસ્તારમાં શનિવારે મધરાતે બનેલી ભીષણ દુર્ઘટનામાં એક નાઇટ ક્લબમાં સિલિન્ડર બ્લાસ્ટ થતા 23 લોકોના મોત થયા છે. મૃતકોમાં 3 મહિલાઓ, 3-4 પ્રવાસીઓ તેમજ મોટાભાગના ક્લબના સ્ટાફ મેમ્બર્સનો સમાવેશ થાય છે.
ઘટના વિગત
– આગ રાત્રે લગભગ 12 વાગ્યે લાગી.
– આગનું મૂળ કારણ કિચન વિભાગમાંથી હોવાનું પ્રાથમિક અનુમાન.
– ભાગવાની કોશિશમાં બે મૃતદેહ સીડીઓ પર મળ્યા.
– ઘણા લોકો દાઝવાથી નહીં, પરંતુ શ્વાસ રૂંધાવાથી મોતને ભેટ્યા.
– ઘટનાની જાણ થતા જ ગોવાના મુખ્યમંત્રી પ્રમોદ સાવંત અને સ્થાનિક BJP MLA માઈકલ લોબો સ્થળ પર પહોંચ્યા અને પરિસ્થિતિનું નિરીક્ષણ કર્યું.
CM સાવંતનું નિવેદન
સીએમએ દુઃખ વ્યક્ત કરતાં જણાવ્યું કે “આ દુર્ઘટના ખૂબ જ પીડાદાયક છે. સમગ્ર મામલે સંપૂર્ણ તપાસ કરાવવામાં આવશે અને દોષિતો સામે કડક કાર્યવાહી થશે. ફાયર અને બિલ્ડિંગ સેફ્ટીના નિયમોનું પાલન થયું કે નહીં તે પણ તપાસાશે.”
ફાયર સેફ્ટી નિયમોનું ઉલ્લંઘન?
પ્રારંભિક તપાસ મુજબ નાઇટ ક્લબ દ્વારા ફાયર સેફ્ટીના નિયમોનું પાલન કરવામાં આવ્યું ન હતું, જેના કારણે મૃતકોની સંખ્યા વધી હોઈ શકે છે. ફાયર બ્રિગેડની અનેક ગાડીઓ દ્વારા આગ ઉપર કાબૂ મેળવી લેવાયો છે. સ્થળને સીલ કરી દેવામાં આવ્યું છે અને પોલીસ દ્વારા ઊંડી તપાસ ચાલુ છે.
FSL ટીમ આજે કરશે તપાસ
ફોરેન્સિક સાયન્સ લેબોરેટરી (FSL)ની ટીમ આજે સવારે ઘટનાસ્થળે પહોંચી આગનું સચોટ કારણ શોધશે.
સેફ્ટી ઓડિટની માગ
BJP MLA માઈકલ લોબોએ રાજ્યના તમામ નાઇટ ક્લબ અને મનોરંજન સ્થળોનું સેફ્ટી ઓડિટ તાત્કાલિક કરાવવાની માગ કરી છે. તેમણે જણાવ્યું “પ્રવાસીઓ ગોવાને સુરક્ષિત સ્થળ માને છે. આવાં બનાવો ચિંતાજનક છે અને ભવિષ્યમાં આવી ઘટના ન બને તેની ખાસ તકેદારી લેવી જરૂરી છે.”
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
