Bindia
દામનગર નગર પાલિકાની મહિલા ઉપપ્રમુખ ભાવનાબેન દલોલીયાના પતિ અતુલ દલોલીયા વિવાદાસ્પદ વર્તનના કારણે ભારતીય જનતા પાર્ટીમાંથી સસ્પેન્ડ કરવામાં આવ્યા છે. જિલ્લા ભાજપ પ્રમુખ અતુલ કાનાણીએ આ અંગે પગલું ભરતાં તેમને પક્ષમાંથી 6 વર્ષ માટે સસ્પેન્ડ કર્યા છે.
અતુલ દલોલીયા પર આરોપ છે કે તેમણે દામનગરમાં કેટલાક નિર્દોષ લોકોને માર મારી ભયનો માહોલ ઊભો કર્યો હતો. ઘટના બાદ તેમની સામે પોલીસ ફરિયાદ દાખલ થતાં તેઓ હાલમાં ફરાર છે.
અગાઉ પણ આવી ચૂક્યા છે વિવાદમાં
દામનગર નગર પાલિકાના ઉપપ્રમુખના પતિ અતુલ દલોલીયા પહેલાથીજ વિવાદોમાં રહ્યા છે. દારૂના સેવન સાથેના વીડિયો વાયરલ થયા હતા તેમજ પોલીસ મથક બહાર રોફ છાંટતા વાયરલ વીડિયો પણ સોશિયલ મીડિયા પર ચર્ચાનો વિષય બન્યા હતા. વારંવાર થતા આવા કૃત્યોને પગલે હવે ભાજપે ગંભીર પગલું લીધું છે.દામનગર પાલિકા ઉપપ્રમુખ ભાવનાબેન દલોલીયાના પતિ અતુલ દલોલીયાને 6 વર્ષ માટે જિલ્લા ભાજપ પ્રમુખ અતુલ કાનાણીએ સસ્પેન્ડ કર્યા છે. આ સાથે જિલ્લા ભાજપ પ્રમુખ અતુલ કાનાણીએ પ્રદેશ ભાજપ અધ્યક્ષ પાટીલને પત્રમાં જણાવ્યું કે સમાજમાં ભય અને અરાજકતા સાથે પાર્ટીની છબી ખરડાવવાની બાબતે અતુલ દલોલીયાને સસ્પેન્ડ કરવામાં આવ્યા છે.
(વિથ ઈનપુટ: નૌશાદ કાદરી, અમરેલી)
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
