Bindia
અમેરિકાના સિએટલમાં જાન્યુઆરી 2023માં પોલીસ કારની ટક્કરથી જીવ ગુમાવનાર 23 વર્ષીય ભારતીય વિદ્યાર્થી જ્હાનવી કંડુલાના પરિવાર પર ફરી એકવાર દુઃખનો વલય તૂટી પડ્યો છે. લાંબી કાનૂની લડત બાદ સિટિ કાઉન્સિલ દ્વારા 29 મિલિયન ડોલર (અંદાજે 262 કરોડ રૂપિયા)ના વળતર (સેટલમેન્ટ)ની જાહેરાત કરવામાં આવી હતી. પરંતુ આ ઐતિહાસિક જાહેરાતના માત્ર બે દિવસ પહેલાં જ જ્હાનવીના પિતા, નિવૃત્ત પોલીસ કોન્સ્ટેબલ કંડુલા શ્રીકાંતનું હાર્ટ એટેકથી નિધન થયું.
પિતાના અવસાનની વિગતો
જ્હાનવીના પિતા કંડુલા શ્રીકાંત 10 ફેબ્રુઆરીના રોજ કુર્નૂલમાં હાર્ટ એટેકના કારણે અવસાન પામ્યા. તેમના અંતિમ સંસ્કાર 12 ફેબ્રુઆરીના રોજ અડોની ખાતે કરવામાં આવ્યા હતા. દુઃખની વાત એ છે કે વળતર અંગેની સત્તાવાર જાહેરાત તેમના અવસાનના માત્ર 48 કલાક બાદ થઈ હતી.
અકસ્માતની સમગ્ર ઘટના
23 જાન્યુઆરી, 2023નાં રોજ અમેરિકનાં સિએટલમાં જ્હાનવી રસ્તો ક્રોસ કરતી વખતે પોલીસ અધિકારી કેવિન ડેવનીએ પોલીસ કાર વડે તેને ટક્કર મારી. સ્તાની સ્પીડ લિમિટ 25 માઇલ/કલાક (40 કિમી/કલાક) હતી, પરંતુ પોલીસ અધિકારી 74 માઇલ/કલાક (119 કિમી/કલાક)ની ઝડપે ગાડી ચલાવી રહ્યા હતા. પોલીસ અધિકારી ડેનિયલ ઓડરરના બોડીકેમ ફૂટેજમાં જ્હાનવીના મૃત્યુ પર હસતા અને તેના જીવનની “મર્યાદિત કિંમત” અંગે ટિપ્પણી કરતા દેખાયા, જે સામે આવતા વિશ્વ અને ભારતમાં ભારે રોષ ફાટી નીકળ્યો.
પરિવાર માટે ન્યાય અધૂરો
જ્હાનવીની માતા Vijaya Lakshmiએ જણાવ્યું કે, “વળતર કદાચ આર્થિક મદદ પૂરું પાડે, પરંતુ મારી દીકરીને પાછી લાવી શકતું નથી. જે પોલીસ અધિકારીના કારણે અકસ્માત થયો, તેને હજુ પૂરતી સજા મળી નથી.” જ્હાનવી નોર્થ ઈસ્ટર્ન યુનિવર્સિટીમાં માસ્ટર્સનો અભ્યાસ કરી રહી હતી અને ડિસેમ્બર 2023માં તેની ડિગ્રી પૂર્ણ થવાની હતી. હાલમાં પરિવાર પિતા અને પુત્રી બંને ગુમાવવાના શોકમાં ડૂબેલું છે. સગાઓએ જણાવ્યું કે વળતરની ચર્ચા કરવાનો આ સમય નથી, કારણ કે પરિવારે પોતાનો આધાર ગુમાવ્યો છે.
ન્યાય અને સંવેદના
જ્હાનવી કંડુલાની દુઃખદ ઘટના લોકોમાં ન્યાય અને કાનૂની જવાબદારી અંગે ચર્ચાને નવી દિશા આપી છે. આ ઘટનાએ વિશ્વભરમાં લોકોના હૃદયને સ્પર્શ્યું છે અને પરિવાર માટે લાગણીસભર સહાનુભૂતિ જગાવી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
