Bindia
પ્રધાનમંત્રી મોદી દ્વારા પર્યાવરણ સંરક્ષણ અને ઈંધણ બચત માટે કરવામાં આવેલી અપીલ બાદ Gujarat University એક્ટિવ મોડમાં આવી છે. રાજ્યની સૌથી જૂની અને મોટી યુનિવર્સિટીએ કેમ્પસમાં ‘કાર પુલિંગ’ અને ‘કાર શેરિંગ’ની વ્યવસ્થા અમલમાં મૂકવાનો મહત્વપૂર્ણ નિર્ણય લીધો છે.
સ્ટાફને વાહન શેર કરવાની અપીલ
યુનિવર્સિટીના કુલપતિએ તમામ પ્રાધ્યાપકો, બિન-શૈક્ષણિક સ્ટાફ અને કર્મચારીઓને એકલા વાહન લઈને આવવાને બદલે અન્ય સહકર્મચારીઓ સાથે વાહન શેર કરવા અપીલ કરી છે. આ પગલાનો મુખ્ય હેતુ પેટ્રોલ-ડીઝલની બચત સાથે વાહનોના ધુમાડાથી થતા પ્રદૂષણમાં ઘટાડો કરવાનો છે. યુનિવર્સિટી સત્તાધીશો દ્વારા ટૂંક સમયમાં આ અંગે સત્તાવાર પરિપત્ર જાહેર કરવામાં આવશે, જેથી કાર પુલિંગ વ્યવસ્થાને સુવ્યવસ્થિત રીતે અમલમાં મૂકી શકાય.
‘વર્ક ફ્રોમ હોમ’ મોડલ પર પણ વિચારણા
માત્ર કાર શેરિંગ સુધી જ નહીં, પરંતુ ગુજરાત યુનિવર્સિટી હવે ટેકનોલોજી આધારિત કાર્યપદ્ધતિ તરફ પણ આગળ વધી રહી છે. યુનિવર્સિટી તંત્ર ઓનલાઇન થઈ શકે તેવી કામગીરી માટે ભવિષ્યમાં ‘વર્ક ફ્રોમ હોમ’ સુવિધા શરૂ કરવાની દિશામાં પણ વિચારણા કરી રહ્યું છે. આ નિર્ણયથી કેમ્પસમાં ટ્રાફિકનું ભારણ ઘટશે, ઈંધણની બચત થશે અને ઊર્જાનો ઓછો ઉપયોગ થશે તેવી અપેક્ષા વ્યક્ત કરવામાં આવી રહી છે.
અન્ય સંસ્થાઓ માટે બનશે પ્રેરણા
PM મોદીની અપીલ બાદ ગુજરાત યુનિવર્સિટીએ ઝડપી પ્રતિસાદ આપતા લીધેલા આ નિર્ણયને શૈક્ષણિક જગત તેમજ પર્યાવરણપ્રેમીઓ દ્વારા આવકારવામાં આવી રહ્યો છે. માનવામાં આવે છે કે આ પહેલથી રાજ્ય અને દેશની અન્ય શૈક્ષણિક સંસ્થાઓ પણ પ્રેરણા લઈ શકે છે.
- Follow us on WHATSAPP :- https://whatsapp.com/channel/0029Va4r…
- WEBSITE : https://bindia.co/
- INSTAGRAM : https:// bindia.in
- FACEBOOK : https://www.facebook.com/buletinindialive
- X : https://x.com/bindia276
