Bindia
જમ્મુ અને કાશ્મીરના કિશ્તવાડ જિલ્લાના દછન વિસ્તારમાં LPG ગેસ સિલિન્ડર બ્લાસ્ટ થવાથી ભીષણ આગની ઘટના બની છે. સિલિન્ડર વિસ્ફોટ બાદ લાગેલી આગમાં 4થી 5 મકાન સંપૂર્ણપણે બળીને ખાખ થઈ ગયા છે. ઘટનાના કારણે સમગ્ર વિસ્તારમાં ભય અને ગભરાટનો માહોલ સર્જાયો હતો.
મળતી માહિતી અનુસાર, દછન વિસ્તાર પર્વતીય હોવાથી ફાયર બ્રિગેડના વાહનો ઘટનાસ્થળે પહોંચવામાં મુશ્કેલી પડી હતી. આ દરમિયાન સ્થાનિક રહેવાસીઓએ હિંમત દાખવીને આગ પર કાબુ મેળવવાના પ્રયાસો કર્યા હતા.
સ્થાનિક લોકો અને પોલીસની મદદથી આગ પર કાબુ
ઘટનાની જાણ થતા કિશ્તવાડ પોલીસ તાત્કાલિક ઘટનાસ્થળે પહોંચી હતી અને સ્થિતિ નિયંત્રણમાં લેવા કામગીરી શરૂ કરી હતી. પોલીસે જણાવ્યું કે સદનસીબે આ ઘટનામાં કોઈ જાનહાનિ થઈ નથી, જોકે અનેક પરિવારોને ભારે આર્થિક નુકસાન થયું છે. આગમાં ઘર બળીને ખાખ થતા અસરગ્રસ્ત લોકોને સુરક્ષિત સ્થળોએ ખસેડવામાં આવ્યા છે.
સેનાની મદદથી વધુ નુકસાન અટકાવાયું
કિશ્તવાડના ડેપ્યુટી કમિશનરે જણાવ્યું કે જિલ્લા વહીવટીતંત્ર, ફાયર સર્વિસ, પોલીસ અને સેના વચ્ચે સતત સંકલન રાખવામાં આવ્યું હતું. આગ વધુ ફેલાય નહીં તે માટે નજીકના ઘરોમાંથી LPG સિલિન્ડરોને સુરક્ષિત રીતે દૂર કરવામાં આવ્યા છે. હાલ સ્થિતિ સંપૂર્ણપણે નિયંત્રણમાં હોવાનું અધિકારીઓએ જણાવ્યું છે.
અગાઉ પણ બની હતી આવી ઘટના
ઉલ્લેખનીય છે કે આ પહેલા 28 ઓગસ્ટના રોજ પણ કિશ્તવાડ જિલ્લાના અસ્તાનબાલા વિસ્તારમાં સિલિન્ડર બ્લાસ્ટની ઘટના બની હતી, જેમાં પાંચ ઘરોને નુકસાન થયું હતું અને ચાર લોકો ઘાયલ થયા હતા. કિશ્તવાડના કેટલાક વિસ્તારોમાં સિલિન્ડર વિસ્ફોટની ઘટનાઓ વારંવાર સામે આવતી હોવા અંગે ચિંતા વ્યક્ત કરવામાં આવી રહી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
