Bindia
હોંગકોંગમાં એક ઈમારતમાં લાગેલી ભયાનક આગમાં 100 થી વધુ લોકોના મોત થયા બાદ, હવે બીજી બહુમાળી ઈમારતમાં ભીષણ આગ લાગવાની ઘટના સામે આવી છે. મંગળવારે, ઇન્ડોનેશિયાના જકાર્તામાં એક ઓફિસ ઈમારતમાં આગ લાગી હતી, જેમાં ઓછામાં ઓછા 20 લોકોના મોત થયા છે એક મીડિયાના અહેવાલ મુજબ, પોલીસ અધિકારીઓએ જણાવ્યું હતું કે થોડીવારમાં જ આગ આખી ઈમારતને ઘેરી લે છે, જેના કારણે લોકોમાં ગભરાટ ફેલાયો હતો.
સેન્ટ્રલ જકાર્તા વિસ્તારમાં આગના કારણે રહેવાસીઓ અને કામદારોમાં ગભરાટ ફેલાયો હતો. સેન્ટ્રલ જકાર્તા પોલીસ વડા સુસાત્યો પૂર્ણોમો કોન્ડ્રોએ જણાવ્યું હતું કે મૃતકોમાં પાંચ પુરુષો અને 15 મહિલાઓનો સમાવેશ થાય છે. તેમણે ઉમેર્યું હતું કે મૃતકોમાં એક ગર્ભવતી મહિલાનો પણ સમાવેશ થાય છે. સ્થાનિક કોમ્પાસ ટીવી અનુસાર, આગ પર કાબુ મેળવી લેવામાં આવ્યો છે, પરંતુ ઘણા લોકો ફસાયેલા હોવાની આશંકા છે. બચાવ કામગીરી ચાલુ છે.
આગ કેવી રીતે લાગી?
સ્થાનિક મીડિયા અનુસાર, બેટરીના કારણે ભીષણ આગ લાગી હતી. અહેવાલો દર્શાવે છે કે જે ઇમારતમાં આગ લાગી તે ટેરા ડ્રોન ઇન્ડોનેશિયાનું કાર્યાલય છે, જે ખાણકામથી લઈને કૃષિ સુધીના ક્ષેત્રોમાં ગ્રાહકો માટે ડ્રોન બનાવે છે. સેન્ટ્રલ જકાર્તા મેટ્રો પોલીસ ચીફ સિનિયર કમિશનર સુસાત્યો પૂર્ણોમો કોન્ડ્રોએ જણાવ્યું હતું કે આગ પહેલા માળે લાગી હતી.
“પહેલા માળે એક બેટરી હતી જેમાં આગ લાગી હતી. એક કર્મચારીએ તેને બુઝાવી દીધી, પરંતુ પાછળથી ખબર પડી કે સળગતી બેટરીમાંથી આગ ઉપરના માળ સુધી ફેલાઈ ગઈ હતી,” તેમણે કહ્યું. સુસાત્યોએ જણાવ્યું હતું કે આગ ભીષણ બની હતી અને ધુમાડો ઇમારતના છઠ્ઠા માળે પહોંચ્યો હતો. તેમણે કહ્યું કે તમામ મૃતકોને ઓળખ માટે હોસ્પિટલમાં લઈ જવામાં આવ્યા હતા.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
