Bindia
મધ્ય પૂર્વમાં તણાવ સતત વધી રહ્યો છે. ગાઝા પટ્ટીમાં ઇઝરાઈલની કાર્યવાહી વચ્ચે હવે સીરિયાના દક્ષિણ વિસ્તારમાં ઇઝરાયલે મોટો ઓપરેશન ચલાવ્યું છે. સીરિયન સમાચાર એજન્સી SANA અનુસાર, દક્ષિણ સીરિયાના એક ગામમાં થયેલા આ હુમલામાં ઓછામાં ઓછા 13 લોકોનાં મોત થયા છે.
સીરિયા: “આ યુદ્ધ અપરાધ”
સીરિયન વિદેશ મંત્રાલયે ઇઝરાયલની આ કાર્યવાહીকে ‘યુદ્ધ અપરાધ’ ગણાવી છે. મંત્રાલયે આક્ષેપ કર્યો છે કે ઇઝરાયલ ફરી એકવાર સ્થિતિ અસ્થિર કરવા અને વિસ્તારમા હિંસા ભડકાવવાની કોશિશ કરી રહ્યું છે.
IDFનો દાવો: “હમાસ–હુથીઓ સાથે જોડાયેલા આતંકવાદીઓ પકડ્યા”
ઇઝરાયલી સેના IDFએ તેમના ઓપરેશનને ન્યાયસંગત ગણાવતા જણાવ્યું છે કે ગામમાં ‘જમાહ ઇસ્લામિયા’ નામના સંગઠનના ખતરનાક આતંકવાદીઓ છુપાયેલા હતા. IDFના જણાવ્યા મુજબ:
– આ જૂથ હમાસ અને યેમનના હુથીઓ સાથે મિલીભૂત થઈ ઇઝરાયલ વિરુદ્ધ કાવતરું ઘડી રહ્યું હતું
– ઓપરેશન દરમિયાન ઘણા આતંકવાદીઓ માર્યા ગયા
– તેમના 6 સૈનિકો ઘાયલ થયા
– સ્થાનિકોના જણાવ્યા મુજબ, ગામલોકો પણ ઇઝરાયલી દળો સામે સશસ્ત્ર પ્રતિરોધ માટે બહાર આવ્યા હતા, જેમાંથી ઘણા માર્યા ગયા હતા.
“ભયાનક હત્યાકાંડ” – સીરિયાનો આક્ષેપ
સીરિયન વિદેશ મંત્રાલયે આ હુમલાને “ભયાનક હત્યાકાંડ” ગણાવ્યો છે અને દાવો કર્યો છે કે મૃતકોમાં મહિલાઓ અને બાળકોનો પણ સમાવેશ થાય છે. સ્થાનિક અધિકારી વાલિદ ઓકાશાએ પણ કહ્યું કે મૃતકો નાગરિકો હતા.
ઇઝરાયલ–સીરિયા સંબંધોમાં તણાવ યથાવત
બશર અલ-અસદની સરકારના પતન બાદ બનાવાયેલી નવી ઇસ્લામિક સરકાર પછીથી ઇઝરાયલ સીરિયામાં અનેક ઓપરેશન કરી ચૂક્યું છે. સીરિયન ગોલાન હાઇટ્સ પર ઇઝરાયલનો કબજો હજી પણ તણાવનું કેન્દ્ર છે. બંને દેશો વચ્ચે રાજદ્વારી સંબંધો નથી, છતાં સુરક્ષા કરાર અંગે વાટાઘાટો ચાલી રહી છે
મધ્ય પૂર્વમાં ગાઝાથી લઈને સીરિયા સુધી ઇઝરાયલની સૈનિકી કાર્યવાહી વધતા, સમગ્ર વિસ્તાર ફરી તણાવની આગમાં ગરકાવ થવાની ભીતિ વધી રહી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
