Bindia
કેન્દ્રીય ગૃહ મંત્રી અમિત શાહ 20 અને 21 નવેમ્બર 2025ના રોજ પશ્ચિમ કચ્છ જિલ્લાના મહત્વપૂર્ણ કાર્યક્રમોની મુલાકાત લેશે. તેમના આગમનને ધ્યાનમાં રાખીને જિલ્લામાં સુરક્ષા વધારવા માટે જિલ્લા પ્રશાસને મોટો નિર્ણય લીધો છે. કચ્છના જિલ્લા કલેક્ટરે એક મહત્વપૂર્ણ જાહેરનામું બહાર પાડીને આખા પશ્ચિમ કચ્છ જિલ્લામાં બે દિવસ માટે ‘નો ડ્રોન ફ્લાય ઝોન’ જાહેર કર્યો છે.
20–21 નવેમ્બર: ડ્રોન સહિત તમામ ઉડતી વસ્તુઓ પર પ્રતિબંધ
જાહેરનામા મુજબ બે દિવસ સુધી નીચેના તમામ સાધનોનો ઉપયોગ સંપૂર્ણ રીતે પ્રતિબંધિત રહેશે:
– ડ્રોન (Drone)
– ક્વાડ કોપ્ટર (Quad Copter)
– પાવર્ડ એરક્રાફ્ટ (Powered Aircraft)
– માઇક્રો લાઇટ એરક્રાફ્ટ (Micro Light Aircraft)
– હેંગ ગ્લાઈડર (Hang Glider)
– પેરા ગ્લાઈડર (Paraglider)
– પેરા મોટર (Paramotor)
– હોટ એર બલૂન (Hot Air Balloon)
– પેરા જમ્પિંગ જેવી તમામ પ્રવૃત્તિઓ
જિલ્લા કલેક્ટર દ્વારા જાહેર કરવામાં આવેલા આદેશમાં સ્પષ્ટ જણાવાયું છે કે VVIP મુલાકાત દરમિયાન કોઈપણ શંકાસ્પદ ઉડતી ચીજવસ્તુ સુરક્ષા માટે મોટું જોખમ બની શકે છે. આ પ્રતિબંધ સુરક્ષા એજન્સીઓની ભલામણના આધારે ફરજિયાત રીતે લાગુ કરવામાં આવ્યો છે.
સુરક્ષા કડક – કાયદેસર કાર્યવાહીનો પણ ચેતાવણી
પ્રશાસન મુજબ કોઈપણ વ્યક્તિ આ પ્રતિબંધનો ભંગ કરશે તો તેમના વિરુદ્ધ કાયદેસર કાર્યવાહી હાથ ધરવામાં આવશે. પ્રતિબંધનો હેતુ છે:
– VVIP સુરક્ષા સુનિશ્ચિત કરવી
– કોઈ અનિચ્છનીય પરિસ્થિતિ ન સર્જાય તેની ખાતરી કરવી
– જનહિત અને કાયદો વ્યવસ્થાને મજબૂત બનાવવી
પશ્વિમ કચ્છના આકાશ પર બે દિવસનું સંપૂર્ણ નિયંત્રણ
આ નિર્ણયથી 20 અને 21 નવેમ્બરના રોજ પશ્વિમ કચ્છ જિલ્લા આકાશ ‘નો ફ્લાઈંગ ઝોન’ તરીકે રહેશે. પ્રશાસનનું કહેવું છે કે આ પગલાંથી સુરક્ષા વધુ મજબૂત બનશે અને VVIP મુલાકાત દરમિયાન તમામ વ્યવસ્થાઓ સરળતાથી સંચાલિત થઈ શકશે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
