Bindia
અમદાવાદ શહેરમાં એક મહત્વનો રિયલ એસ્ટેટ ઘોટાળો સામે આવ્યો છે, જ્યાં મિલકત વેચાણના બહાને એક વેપારી સાથે કરોડોની છેતરપીંડી કરવામાં આવી છે. ફરિયાદકર્તા રાકેશભાઈ લાહોટી દ્વારા કમલેશભાઈ ગોંડલિયા અને તેમના પરિવાર સામે આશરે રૂપિયા 6 કરોડના ઠગાઈના આરોપો સાથે પોલીસમાં ફરિયાદ દાખલ કરાઈ છે.
શું છે આરોપ?
આ આરોપ તક્ષશીલા હાઇટ્સ ઇન્ડિયા પ્રાઇવેટ લિમિટેડ નામની કંપની તથા તેના માલિકોએ મિલકત વેચાણના નામે લોકો પાસેથી રૂપિયા લીધા હોવા છતાં:
– કાયદેસર દસ્તાવેજો આપ્યા નથી,
– ઘણી મિલકતોમાં ડુપ્લીકેટ વેચાણ કરાયું છે,
– ખરીદદારને કબજો આપવામાં આવ્યો નથી,
– મિલકત પર બૅંક લોન પણ લેવામાં આવી હોવાનું સામે આવ્યું છે.
ફરિયાદમાં શું જણાવાયું?
ફરિયાદકર્તા રાકેશભાઈ લાહોટીએ જણાવ્યું કે તક્ષશીલા એલિગ્ના સ્કીમ (એલીસબ્રિજ, અમદાવાદ) અંતર્ગત 6 ફ્લેટો માટે રૂ. 3.84 કરોડ ચૂકવ્યા. દસ્તાવેજોમાં મોટા પાયે ગેરવહીવટ જોવા મળી. મળેલા દસ્તાવેજો નોટરાઈઝ કરેલા હતા, પણ રજીસ્ટર્ડ ન હતા. કેટલાક ફ્લેટો પહેલા જ અન્ય લોકોના નામે વેચાઈ ચૂક્યા હતા.
ખેડા જિલ્લાના પ્લોટ્સ બાબતે પણ આક્ષેપ
ફરિયાદમાં વધુમાં ઉલ્લેખ છે કે નાયકા ગામ (તાલુકો: મહુધા, જીલ્લો: ખેડા) માં આવેલ સર્વે નંબર 390 થી 397 સુધીના પ્લોટ માટે પણ રૂપિયા 2.54 કરોડ ચુકવવામાં આવ્યા, પણ તેની સામે પણ ન તો કબજો મળ્યો અને ન તો યોગ્ય દસ્તાવેજો.
પુરાવા તરીકે શું રજૂ કરાયું?
ફરિયાદકર્તાએ નીચેના દસ્તાવેજો રજૂ કર્યા છે:
– બેંક ટ્રાન્ઝેક્શનની પહોંચ
– પાવર ઑફ એટોર્ની
– નોટરાઈઝ કરાર (T-73 થી T-78)
– પહેલાની રજીસ્ટર્ડ બાનાખતો
હવે આગળ શું?
આ સમગ્ર મામલાની તપાસ હવે EOW (Economic Offences Wing) દ્વારા હાથ ધરવામાં આવી રહી છે. અનુમાન છે કે અન્ય અનેક લોકો પણ આ સ્કીમમાં રોકાણ કરીને અસરગ્રસ્ત થયા હોઈ શકે છે.
સલાહ
મહત્વનું છે કે મિલકત ખરીદતા પહેલાં લોકોએ નીચેની ચકાસણીઓ કરવી જરૂરી છે. કંપની અને બિલ્ડરનું ટ્રેક રેકોર્ડ તપાસો. મિલકતની કાયદેસર હકદારી અને રજિસ્ટ્રેશન ચકાસો. તમામ ચુકવણીઓ બેંક દ્વારા કરો અને રીસીપ્ટ સાચવો. વિલંબ વગર બાનાખત અને કબજાની પ્રક્રિયા પુરી કરો.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
