સાબરકાંઠા: ખેડબ્રહ્માના હિંગટીયા પાસે ભયાનક ત્રિપલ અકસ્માત, 4ના મોત, 10 ઘાયલ

સાબરકાંઠા જિલ્લાના પોશીના નજીક હિંગટીયા ગામ પાસે આજે એક ભયાનક ત્રિપલ અકસ્માત સર્જાયો હતો, જેમાં બસ, બાઇક અને ખાનગી જીપ સામસામે ટકરાતા ચાર લોકોના મોત થયા છે જ્યારે ઓછામાં ઓછા 10 લોકો ઈજાગ્રસ્ત થયા છે. આ અકસ્માતથી સમગ્ર વિસ્તારમાં શોકનો માહોલ છવાઈ ગયો છે.પ્રાથમિક માહિતી અનુસાર, ઘટના સમયે બસ અંબાજીથી વડોદરા તરફ જઈ રહી હતી ત્યારે પોશીના નજીક બાઇક અને ખાનગી જીપ સાથે ભીષણ અથડામણ થઇ હતી. અકસ્માત થતાની સાથે જ આસપાસના લોકોએ તાત્કાલિક પોલીસ અને 108 એમ્બ્યુલન્સને જાણ કરી હતી.

છ લોકો ગંભીર રીતે ઘાયલ થતાં તાત્કાલિક સારવાર માટે ખસેડાયા

ઘટનાની જાણ થતાં જ ખેરોજ પોલીસ અને ખેડબ્રહ્મા પોલીસ સ્ટાફ તાત્કાલિક ઘટનાસ્થળે દોડી ગયો હતો. પોલીસની મદદથી બચાવ કામગીરી હાથ ધરવામાં આવી હતી અને ઘાયલ લોકોને તરત નજીકની ખેડબ્રહ્માની સિવિલ હોસ્પિટલ ખસેડવામાં આવ્યા હતા. કેટલાક ઘાયલોની હાલત ગંભીર હોવાનું જાણવા મળ્યું છે અને મોતનો આંકડો વધે તેવી શક્યતાઓ પણ વ્યક્ત કરવામાં આવી રહી છે. અકસ્માતના સાચા કારણોની તપાસ કરવા માટે પોલીસે કાર્યવાહી શરૂ કરી છે.

અંબાજી-વડોદરા એસટી બસ, જીપ અને બાઈક વચ્ચે જોરદાર ટક્કર

આ દુર્ઘટનાની અસર માત્ર પરિવારો સુધી મર્યાદિત રહી નથી. સમગ્ર વિસ્તાર અને આસપાસના વિસ્તારોમાં આ ઘટનાથી ઘેરો શોક પ્રસરી ગયો છે. મૃતકોના પરિવારમાં ઊંડો દુઃખ છવાયું છે અને સ્થાનિક લોકો સહિત સત્તાધારીઓએ દુઃખની લાગણી વ્યક્ત કરી છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I

  • Related Posts

    નવવર્ષ 2083: ઘર-પરિવારમાં ખુશહાલી લાવવાના સરળ ઉપાય, જાણો શું કરવું શુભ

    આજે ચૈત્ર માસના શુક્લ પક્ષની પ્રતિપદા તિથિ છે. આજથી હિંદુ નવવર્ષની શરૂઆત થઈ ગઈ છે. આ વિક్రమ સંવત 2083 છે, જે 07 એપ્રિલ 2027 સુધી ચાલશે. આજ મહારાષ્ટ્રમાં ગુડી પડવા…

    ચૈત્ર નવરાત્રી 2026 : પ્રથમ દિવસ: માં શૈલપુત્રી પૂજા વિધિ, ઘટસ્થાપના અને મહત્વ 

    19 માર્ચ, ગુરુવારથી ચૈત્ર નવરાત્રીની શરૂઆત થઈ રહી છે. નવરાત્રીના પ્રથમ દિવસે ઘરો અને મંદિરોમાં વિશેષ પૂજા-અર્ચના કરવામાં આવે છે. આ જ દિવસે ઘટસ્થાપના એટલે કે કલશ સ્થાપનાનું શુભ કાર્ય…

    Leave a Reply

    Your email address will not be published. Required fields are marked *