Bindia
ભારતીય જનતા પાર્ટી (BJP) અને AIADMK વચ્ચે નવા ગઠબંધનની અટકળો જોર પકડી રહી છે. દરમિયાન, કેન્દ્રીય ગૃહમંત્રી અમિત શાહ આ મહિનાના અંતમાં તમિલનાડુની મુલાકાત લેશે. અમિત શાહની આ મુલાકાત આગામી બિહાર ચૂંટણી અને પશ્ચિમ બંગાળમાં 2026ની ચૂંટણી પહેલાની રણનીતિ તરીકે આયોજન કરવામાં આવી છે. એવી અપેક્ષા છે કે ગૃહમંત્રી AIADMK ના વરિષ્ઠ નેતાઓને મળી શકે છે.
માર્ચમાં, AIADMK નેતા એડાપ્પડી કે પલાનીસ્વામી દિલ્હીમાં અમિત શાહને મળ્યા હતા, જેનાથી એવી અટકળોને વેગ મળ્યો હતો કે બે જૂના સાથી પક્ષો ફરી એકવાર વિધાનસભા ચૂંટણી પહેલા ગઠબંધન બનાવી શકે છે અને દ્રવિડ મુનેત્ર કઝગમ (DMK) સામે મજબૂત મોરચો બનાવી શકે છે. “તેઓ RSSના વિચારધારક એસ ગુરુમૂર્તિ અને કેટલાક પક્ષના કાર્યકરોને પણ મળ્યા હતા, પરંતુ AIADMK નેતાઓ સાથે કોઈ વાતચીત થઈ રહી છે કે કેમ તે અંગે કોઈ ટિપ્પણી કરવામાં આવી નથી તેમ એક સૂત્રએ જણાવ્યું હતું.
કેન્દ્રીય નેતૃત્વ પર દબાણ
કેટલાક રાજ્ય નેતાઓએ કેન્દ્રીય નેતૃત્વ પર AIADMK સાથે ફરીથી ગઠબંધન કરવા દબાણ કર્યું છે. જેનાથી પાર્ટીને રાજ્યમાં પોતાનો દબદબો વધારવાની અને DMK વિરોધી ભાવનાનો લાભ લેવાની તક મળશે. પાર્ટીના એક કાર્યકર્તાએ જણાવ્યું હતું કે, “ગઠબંધનની શક્યતા અંગે બંને પક્ષોના નેતાઓ વચ્ચે અનેક તબક્કાની વાતચીત થઈ છે. અમને આશા છે કે રાજ્યમાં સંગઠનાત્મક ફેરબદલ પછી આ સંદર્ભમાં ટૂંક સમયમાં જાહેરાત કરવામાં આવશે.”
નવા પ્રદેશ પ્રમુખની ચૂંટણી પર નજર
પ્રદેશ પ્રમુખ પદ પરથી કે. અન્નામલાઈના રાજીનામા પછી, બધાની નજર પાર્ટી તેમના અનુગામી તરીકે કોને પસંદ કરશે તેના પર છે. કારણ કે ગઠબંધન રાજ્યના નેતાઓ એકબીજા સાથે કેવી રીતે સંકલન કરે છે તેના પર નિર્ભર રહેશે. અન્નામલાઈ અને AIADMK વચ્ચેનો વિરોધાભાસી વલણ ગઠબંધન તૂટવાનું મુખ્ય કારણ હતું. નવા પ્રદેશ પ્રમુખની જાહેરાત ટૂંક સમયમાં થઈ શકે છે.
આ પણ વાંચો: મોદી સરકારે બિહારને આપી મોટી ભેટ, કુદરતી આફતોથી રાહત માટે મંજૂર કર્યા રૂ. 588 કરોડ
2023માં તૂટયું હતું ગઠબંધન
ભાજપ અને AIADMKના ઘણા નેતાઓ માને છે કે બંને પક્ષોનું ગઠબંધન રાજ્યમાં DMKને સત્તા પરથી દૂર કરવામાં વધુ સફળ થઈ શકે છે. અન્નામલાઈ દ્વારા કરવામાં આવેલી ટિપ્પણીને લઈને બંને ગઠબંધન ભાગીદારો વચ્ચે મતભેદો ઉભા થયા બાદ AIADMK એ 2023 માં NDA માંથી બહાર નીકળવાની જાહેરાત કરી હતી .
Follow us On Social MediaYouTube : https://www.youtube.com/@BIndiaDigital
Instagram : https://www.instagram.com/bindiadigital/
Website : https://bindia.co/
TWITTER : https://x.com/buletin_india
FOLLOW ON WHATSAPP : https://whatsapp.com/channel/0029Va4rXSZ5q08d1AuVRO2I
