Bindia
વડોદરા શહેરમાં એક તરફી પ્રેમમાં પાગલ પ્રેમીના કારસ્તાનથી પરિણીતા અને તેના પરિવારને ભારે મુશ્કેલીનો સામનો કરવો પડી રહ્યો છે. પરિણીત મહિલાના પ્રેમમાં પાગલ યુવાન તેજસ પટણીએ મહિલાના ઘરે જઈ તેને ધમકાવી. પાગલ યુવાને મહિલાને ધમકાવતા કહ્યું કે, મારી જોડે સંબંધ નહીં રાખે તો મજા નહીં આવે. યુવાને પાગલપનની હદ વટાવતા સોશિયલ મીડિયાના માધ્યમથી પરિણીત મહિલાના ઘરનું સરનામું મેળવ્યું અને મહિલાના ઘરે પંહોચી ગયો. તેજસ પટણી નામનો યુવક પરિણીત મહિલાના ઘરે પંહોચતા તેના પતિએ યુવાનની ધોલાઈ કરી હતી.
-> પરિણીતાએ પોલીસમાં ફરિયાદ નોંધાવી :- વારંવાર હેરાનગતિ કરતાં એક મહિના અગાઉ જ પોલીસમાં ફરિયાદ કરવામાં આવી હતી. ભવિષ્યમાં આ યુવક દ્વારા પરિણીત મહિલા પર હુમલો કરે તેવી પણ આશંકા છે. પરંતુ પોલીસે આ મામલાને વધુ ગંભીરતાથી ના લેતા તેજસ પટણી નામના યુવક સામે કોઈ કાર્યવાહી ના કરાતા પરિણીત મહિલા અને તેના પરિવાર રોષે ભરાયેલા છે.
અગાઉ પણ અમદાવાદની એક પરિણીત મહિલાને સોશિયલ મીડિયાનો ઉપયોગ ભારે પડ્યો હતો અને હવે સુરત શહેરની એક પરિણીત મહિલા એક તરફી પ્રેમમાં પાગલ યુવાનની હરકતોથી મુશ્કેલીનો સામનો કરી રહી છે. પોલીસ આવા કિસ્સાઓ પર કાર્યવાહી નહીં કરે તો આગામી સમયમાં છેલબટાઉ યુવાનો દ્વારા સોશિયલ મીડિયા માધ્યમ થકી મહિલાઓને હેરાન કરવાના કિસ્સા વધશે.
