Bindia
અમદાવાદમાં મહિલાને કડવો અનુભવ થયો છે. યુનિવર્સિટી વિસ્તારમાં પીરિયડ્સ દરમિયાન મહિલાને વોશરૂમ જવું હતું. પરંતુ હોટલના માલિકે તેને વોશરૂમનો ઉપયોગ કરવા દેવાનો ઇન્કાર કરી દીધો અને સમગ્ર મામલો પોલીસ સ્ટેશન પહોંચ્યો હતો. મળતી માહિતી મુજબ, આ મહિલા થોડા દિવસ પહેલા યુનિવર્સિટી પાસેથી પસાર થતી હતી
મહિલા પીરિયડ્સમાં હોવાથી વોશરૂમ જવું હતું. હોટેલ લુત્ફ નજીક હોવાથી મહિલા ત્યાં પહોંચી. પરંતુ મહિલાને હોટેલ માલિકે તેના વોશરૂમનો ઉપયોગ કરવા માટે ના પાડી દીધી. મહિલાને કડવો અનુભવ થયો હતો. હોટલ માલિકે ના પાડી અને અંતે મહિલાએ તેની સાથે બનેલી ઘટના અંગે પોલીસમાં અરજી કરી હતી.
તો બીજી તરફ હોટેલ માલિક હરપ્રભ સીંગે જણાવ્યું હતું કે, મહિલાને વોશરૂમ ઉપયોગ કરવાનની મનાઈ નથી કરવામાં આવી. મહિલાએ દિવસે એક યુવક સાથે આવી હતી. મહિલા અને યુવકે પરવાનગી વગર પાછળથી અંદર પ્રવેશ કર્યો માટે તેમને રોક્યા હતા. મહિલાને સ્ટાફ વોશરૂમ ઉપયોગ માટે કહ્યું હતું અને તેની સાથેનો યુવક વોશરૂમ જોવા પણ ગયો હતો પરંતુ તેમને ગંદુ લાગતા તેઓ ચાલ્યા ગયા હતા.
