નેપાળમાં લગ્નની ખુશી માતમમાં ફેરવાઈ: બસ ઊંડી ખીણમાં ખાબકતા 13ના કરુણ મોત

નેપાળમાં એક હૃદયદ્રાવક અકસ્માતે લગ્નની ખુશીઓને માતમમાં ફેરવી દીધી છે. પશ્ચિમ નેપાળના સુદુરપશ્ચિમ પ્રાંતના બૈતાડી જિલ્લામાં લગ્ન પ્રસંગે જઈ રહેલા મહેમાનોથી ભરેલી બસ ઊંડી ખીણમાં ખાબકતા 13 લોકોના કરુણ મોત નિપજ્યા છે. આ ઘટનાથી સમગ્ર વિસ્તારમાં શોકનો માહોલ છવાઈ ગયો છે.

નિયંત્રણ ગુમાવતા બસ પલટી
મળતી માહિતી મુજબ, બસ બૈતાડીની પુરચૈદી મ્યુનિસિપાલિટીમાંથી બજહાંગ તરફ જઈ રહી હતી. ગુરુવારે મોડી સાંજે પુરચૈદી બડગાંવ મોડ પાસે ચાલકે અચાનક બસ પરનો કાબુ ગુમાવતા વાહન પલટી ખાઈ ઊંડી ખીણમાં ખાબકી ગયું. અકસ્માત એટલો ભયાનક હતો કે 8 મુસાફરોના ઘટનાસ્થળે જ મોત થયા હતા, જ્યારે અન્ય 5 લોકોએ હોસ્પિટલમાં સારવાર દરમિયાન દમ તોડ્યો હતો.

34 મુસાફરો ગંભીર રીતે ઘાયલ
બૈતાડી પોલીસ વડા દીપક કુમાર રોયે જણાવ્યું હતું કે, અકસ્માતમાં અન્ય 34 મુસાફરો ગંભીર રીતે ઘાયલ થયા છે. સ્થાનિક લોકો અને પોલીસ દ્વારા તાત્કાલિક બચાવ કામગીરી શરૂ કરવામાં આવી હતી. ઘાયલોને દાદેલ્ધુરા, ધનગઢી અને બજહાંગની વિવિધ હોસ્પિટલોમાં ખસેડવામાં આવ્યા છે. અનેક ઘાયલોની હાલત ગંભીર હોવાનું જણાવાયું છે.

બચાવ કામગીરીમાં મુશ્કેલી
પહાડી વિસ્તાર, સાંકડા અને વળાંકવાળા રસ્તાઓને કારણે બચાવ કામગીરીમાં ભારે મુશ્કેલીઓ આવી હતી. અંધારું અને ખીણની ઊંડાઈને કારણે રાહત કાર્ય ધીમું પડ્યું હતું.

વારંવાર થતા અકસ્માતો પર ચિંતા
નેપાળમાં પહાડી ભૂપૃષ્ઠ અને જોખમી માર્ગોને કારણે અવારનવાર માર્ગ અકસ્માતો સર્જાતા રહે છે. પરંતુ લગ્ન જેવા શુભ પ્રસંગે બનેલી આ દુર્ઘટનાએ અનેક પરિવારોને અણમોલ સ્વજનો ગુમાવવા મજબૂર કર્યા છે અને માર્ગ સલામતી અંગે ફરી એકવાર ગંભીર પ્રશ્નો ઉભા કર્યા છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in 

Related Posts

KDCC ખેડામાં AI ક્રાંતિનો આરંભ: નડિયાદમાં “AI ટેકનોલોજી મંડળી”નું ભવ્ય ઉદ્ઘાટન

ખેડા : ખેડા જિલ્લાના નડિયાદ ખાતે આવેલી KDCC બેંક માં વિશ્વની પ્રથમ “ખેડા જિલ્લા AI ટેકનોલોજી મંડળી લી.” નું ભવ્ય ઉદ્ધાટન કરવામાં આવ્યું. આ સાથે Intel India ના સહકારથી આયોજિત…

ગાંધીનગરમાં ઉચ્ચસ્તરીય બેઠક: રાજ્યમાં પેટ્રોલ-ડીઝલ અને ગેસનો પૂરતો જથ્થો ઉપલબ્ધ

ગાંધીનગર : મુખ્યમંત્રી ભુપેન્દ્ર પટેલના અધ્યક્ષસ્થાને ગાંધીનગરમાં યોજાયેલી ઉચ્ચસ્તરીય બેઠકમાં રાજ્યમાં પેટ્રોલ-ડિઝલ-ગેસ અને અન્ય આવશ્યક ચીજવસ્તુઓનો જથ્થો, વિતરણ વ્યવસ્થા અને લોકોને તે સરળતા ઉપલબ્ધ થાય તે માટેની વ્યવસ્થાઓની સમીક્ષા કરવામાં…