Bindia
ગુજરાતના રાજકીય ઇતિહાસમાં આજે મહત્વપૂર્ણ દિવસ છે. રાજ્ય વિધાનસભામાં સમાન નાગરિક સંહિતા (UCC) બિલ 7.30 કલાકની સઘન ચર્ચા બાદ બહુમતિથી પસાર કરવામાં આવ્યું. ઉત્તરાખંડ પછી ગુજરાત દેશમાં આ કાયદો પસાર કરનાર બીજું રાજ્ય બની ગયું છે.
CM ભૂપેન્દ્ર પટેલે કહ્યું – “ગુજરાત માટે સુવર્ણ અક્ષર”
બિલ પરના અંતિમ પ્રતિસાદમાં મુખ્યમંત્રી ભૂપેન્દ્ર પટેલએ ગૃહને સંબોધતાં કહ્યું, “આ કાયદા દ્વારા રાજ્યના તમામ નાગરિકોને સમાન અધિકાર અને સમાન ન્યાય મળશે. આ બિલ કોઈ ધર્મ કે સંપ્રદાયના વિરોધમાં નથી, પરંતુ બંધારણીય સમાનતા સ્થાપિત કરવા માટેનું ક્રાંતિકારી પગલું છે.”
7.30 કલાકની ચર્ચામાં મુખ્ય મુદ્દાઓ પર વ્યાપક ચર્ચા
બપોરે ૩ વાગ્યે શરૂ થયેલી ચર્ચા રાત્રે મોડે સુધી ચાલી, જેમાં સત્તાધારી પક્ષ અને વિપક્ષના ધારાસભ્યોએ ભાગ લીધો. આ દરમિયાન લગ્ન, છૂટાછેડા, વારસા હક અને લિવ-ઈન રિલેશનશિપ જેવા મુદ્દાઓ પર વ્યાપક ચર્ચા થઈ. મુખ્યમંત્રીના પ્રત્યુત્તર બાદ બિલને ગૃહમાં મંજૂરી આપવામાં આવી અને હવે રાજ્યપાલ પાસે મોકલવામાં આવશે.
આ ઐતિહાસિક પગલાથી ગુજરાતમાં સામાજિક સમાનતાના નવા યુગનો પ્રારંભ થશે, અને રાજ્યના નાગરિકોને કાયદાકીય રીતે સમાન અધિકારની સુરક્ષા મળશે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
