Bindia
ગોધરામાં ખૂબ જ રોચક અને અનોખું દ્રશ્ય જોવા મળ્યું હતું. સામાન્ય રીતે ધારાસભ્યોને રાજકારણના મેદાનમાં જોવા મળતા હોય છે, પણ અહીં ગોધરા અને મોરવા હડફના ધારાસભ્યોને ક્રિકેટના મેદાનમાં રમતાં જોવા મળ્યા.
આ ટૂર્નામેન્ટ ગોધરાના આયુર્વેદિક અને હોમિયોપેથીક ડોક્ટરો માટે રાખવામાં આવી હતી, જે સ્વાસ્થ્ય અને રમતગમત બંનેને ઉજાગર કરતી પહેલ છે. દેવ તલાવડી ખાતે આવેલી વિજય સ્પોર્ટ્સ એકેડેમી દ્વારા આયોજિત આ કાર્યક્રમમાં, ધારાસભ્ય સીકે રાઉલજી અને નિમીષાબેન સુથારે પોતાની હાજરીથી ખેલાડીઓની હિંમત વધારી. આ સાથે બંનેએ ક્રિકેટ પર પોતાનો હાથ અજમાવ્યો હતો.
ક્રિકેટના મેદાનમાં હાથ અજમાવ્યા બાદ ધારાસભ્ય નિમીષા સુથારે ડોક્ટર મિત્રોને અંગદાનની ઝુંબેશને વેગ આપવા આગળ આવવા જણાવ્યું હતું
અહેવાલ:કેતન શાહ ગોધરા
