હોર્મુઝ સ્ટ્રેટ ખોલવા માટે ટ્રમ્પે પ્રભાવિત દેશોને જહાજ મોકલવાની કરી અપીલ, જાણો વિગત

મધ્યપૂર્વમાં વધતા તણાવ વચ્ચે અમેરિકાના પ્રમુખ ડોનાલ્ડ ટ્રમ્પે હોર્મુઝ સ્ટ્રેટને લઈને મહત્વપૂર્ણ નિવેદન આપ્યું છે. ટ્રમ્પે જણાવ્યું કે હોર્મુઝ સ્ટ્રેટ બંધ થવાને કારણે વિશ્વના અનેક દેશો પર ગંભીર પ્રભાવ પડી રહ્યો છે. તેથી પ્રભાવિત દેશોએ આ મહત્વપૂર્ણ જળમાર્ગને સુરક્ષિત અને ખુલ્લું રાખવા માટે પોતાના જહાજ મોકલવા જોઈએ.

ટ્રમ્પે આગાહી કરી છે કે જો હોર્મુઝ સ્ટ્રેટ લાંબા સમય સુધી બંધ રહેશે તો વૈશ્વિક વેપાર અને ઊર્જા સપ્લાય પર મોટો પ્રભાવ પડશે. તેલ અને ગેસના વ્યવહારમાં હોર્મુઝ સ્ટ્રેટની ભૂમિકા મહત્વપૂર્ણ છે, તેથી આ માર્ગનું ખુલ્લું રહેવું અનિવાર્ય છે.

હોર્મુઝ સ્ટ્રેટમાં હુમલાની શક્યતા અંગે ટ્રમ્પે જણાવ્યું કે ઈરાન આ વિસ્તારમાં તણાવ સર્જી શકે છે. તેઓએ દાવો કર્યો કે ઈરાનની સૈન્ય ક્ષમતાને ઓછું કરવામાં આવી છે છતાં તે આ વિસ્તારને અસ્થિર બનાવી શકે છે. ટ્રમ્પે ચીન, ફ્રાન્સ, જાપાન અને યુકે જેવા પ્રભાવિત દેશોને પણ આ જળમાર્ગ સુરક્ષિત રાખવા માટે પગલાં લેવા માટે અપીલ કરી.

ટ્રમ્પે વિશ્વાસ વ્યક્ત કર્યો કે આંતરરાષ્ટ્રીય સહકારથી હોર્મુઝ સ્ટ્રેટને ઝડપથી ફરીથી સલામત અને ખુલ્લું બનાવવું શક્ય છે. તેમણે જણાવ્યું કે વૈશ્વિક વેપાર અને ઊર્જા સપ્લાયને સુરક્ષિત રાખવા માટે હોર્મુઝ સ્ટ્રેટનું ખુલ્લું રહેવું અત્યંત જરૂરી છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in