Bindia Digital
1 મે 2025થી નવો મહિનો શરૂ થયો છે અને તેની સાથે જ કેટલાક મહત્વના નિયમોમાં પણ બદલાવ જોવા મળ્યો છે. આ ફેરફારો સામાન્ય જનજીવનને સીધો અસર કરે છે. દૂધના ભાવમાં વધારો થયો છે, ATMમાંથી પૈસા ઉપાડવા મોંઘું બન્યું છે અને રેલવેની ટિકિટિંગ વ્યવસ્થામાં પણ મોટો ફેરફાર આવ્યો છે. અહીં જાણો 1 મે, 2025થી લાગુ થયેલા 5 મોટા ફેરફારો વિશે વિગતે:
1. અમૂલ દૂધ 2 રૂપિયા મોંઘું:-
દેશની જાણીતી ડેરી કંપની અમૂલે દૂધના ભાવમાં પ્રતિ લિટર ₹2નો વધારો કર્યો છે. નવા ભાવ આજે એટલે કે 1 મે 2025થી અમલમાં આવ્યા છે. અમૂલ ગોલ્ડ, તાઝા, બફેલો, સ્ટાન્ડર્ડ સહિતના તમામ વર્ઝનના ભાવ વધ્યા છે. મધર ડેરી અને વેર્કા પહેલાં જ ભાવ વધારી ચૂક્યા છે.
2. ATMથી રોકડ ઉપાડવાં વધુ ચાર્જ લાગશે:-
RBIના નવા નિયમ મુજબ હવે ફ્રી લિમિટ પછી દરેક ATM ટ્રાન્ઝેક્શન માટે ₹23 ચાર્જ થશે. અગાઉ આ ચાર્જ ₹21 હતો. ફ્રી ટ્રાન્ઝેક્શન લિમિટ યથાવત્ રહેશે:
પોતાની બેંક: 5 ફ્રી ટ્રાન્ઝેક્શન દર મહિને
મેટ્રો શહેરમાં અન્ય બેંક: 3 ફ્રી
નોન-મેટ્રો શહેરમાં અન્ય બેંક: 5 ફ્રી
3. રેલવે: વેઇટિંગ ટિકિટ પર હવે કોચમાં મુસાફરી નહીં:-
ભારતીય રેલવેના નવા નિયમ મુજબ હવે વેઇટિંગ ટિકિટ ધરાવતા મુસાફરો એસી કે સ્લીપર કોચમાં મુસાફરી કરી શકશે નહીં. તેમણે ફક્ત જનરલ કોચમાં જ મુસાફરી કરવાની રહેશે. નિયમનો ભંગ કરનારને દંડ કરવામાં આવશે:
એસી કોચ માટે દંડ: ₹440
સ્લીપર કોચ માટે દંડ: ₹250
સાથે જ મુસાફર જ્યાંથી ટ્રેન પકડી છે ત્યાંથી ટ્રેનના આરંભના સ્થાન સુધીનું ભાડું પણ ચૂકવવું પડશે. આ સાથે IRCTC પર બુકિંગ કરતી વખતે હવે દરેક ટિકિટ માટે OTP આધારિત મોબાઇલ વેરિફિકેશન પણ ફરજિયાત બન્યું છે.
4. કોમર્શિયલ ગેસ સિલિન્ડર સસ્તું થયું:-
19 કિગ્રા વજનના કોમર્શિયલ સિલિન્ડરની કિંમત ₹17 ઘટી છે. દિલ્હી, મુંબઈ, કોલકાતા અને ચેન્નઈ સહિતના મેટ્રો શહેરોમાં નવું ભાવ લાગુ પડ્યું છે. જોકે ઘરેલુ ગેસ સિલિન્ડરના ભાવમાં કોઈ ફેરફાર થયો નથી.
5. 26 પ્રાદેશિક ગ્રામીણ બેંકોનું વિલીનીકરણ:-
સરકારની ‘એક રાજ્ય, એક આરઆરબી’ નીતિ અંતર્ગત 26 પ્રાદેશિક ગ્રામીણ બેંકોને વિલીન કરીને હવે કુલ 28 આરઆરબી રહી જશે. મહારાષ્ટ્ર, મધ્યપ્રદેશ, ગુજરાત સહિત 10 રાજ્યોમાં આ વિલીનીકરણ થયું છે. નાણામંત્રી નિર્મલા સીતારમણ 6 મેના રોજ યોજનાની સમીક્ષા કરશે.
અન્ય અપડેટ્સ:-
પેટ્રોલ અને ડીઝલના ભાવ યથાવત્ છે.
IRCTC બુકિંગ માટે નવા સુરક્ષા નિયમો લાગુ થયા છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Bindia
