Bindia
સોમાલિયાના એડન એડ્ડે આંતરરાષ્ટ્રીય એરપોર્ટ પરથી ઉડાન ભરતાની સાથે જ સ્ટાર સ્કાય એરલાઈન્સના વિમાનમાં ટેકનિકલ ખામી સર્જાઈ હતી. વિમાનનું એન્જિન અને પંખા બંને ફેઇલ થઈ ગયાં, જેને કારણે વિમાન હિંદ મહાસાગરમાં ક્રેશ થયું હોવાનો જોખમ ઊભો થયો. જોકે, પાઇલટની સાહસિક અને નિષ્ઠાવાન કામગીરીના કારણે વિમાનમાં સવાર તમામ મુસાફરોને સુરક્ષિત રીતે બહાર કાઢવામાં સફળ રહ્યા. દુર્ઘટનામાં કોઈ જાનહાની થઈ નથી.
વિગતો પ્રમાણે, વિમાન એડન એરપોર્ટથી ગુરિયલ પ્રદેશ માટે ઉડાન ભરતું હતું ત્યારે એન્જિન ફેઇલ થઈ ગયું. પાઇલટે તરત જ વિમાનનું નિયંત્રણ મેળવવાનો પ્રયાસ કર્યો અને એડન એરપોર્ટ પર પાછા ફરવાનું નક્કી કર્યું. વિમાન રનવે પર પહોંચતાં પહેલાં પલટી ગયું, પરંતુ પાઇલટ અને ક્રૂના ઝડપી પ્રતિકાર અને અનુભવના કારણે મુસાફરોને સુરક્ષિત રીતે બહાર લાવવામાં આવ્યા.
સોમાલી નાગરિક ઉડ્ડયન સત્તામંડળના ડિરેક્ટર અહેમદ મુઆલિમ હસે આ ઘટનાની પુષ્ટિ કરી અને જણાવ્યું કે, વિમાનમાં બેઠા બધા 50 મુસાફરોને બચાવવામાં આવ્યા છે. સ્થાનિક અધિકારીઓ અને કટોકટી પ્રતિભાવ ટીમો ઘટના સ્થળે તરત પહોંચીને મદદરૂપ થયા. આ દુર્ઘટનામાં પાઇલટની હિંમત અને કડક કમાન્ડિંગ મહત્વપૂર્ણ સાબિત થયું. એન્જિન ફેઇલ અને પંખા નિષ્ફળ થતા વિમાનને નિયંત્રણમાં રાખવું અને મુસાફરોને સુરક્ષિત રીતે ઉતારવું એ એક વિશાળ ચેલેન્જ હતી. વિવિધ સુરક્ષા પ્રોટોકોલ અને રિયલ-ટાઇમ પ્રતિસાદ માટેની તાલીમના કારણે આ કાર્યવાહી સફળ રહી.
વિમાનના માલિકો સ્ટાર સ્કાય એરલાઇન્સે પાઇલટની કાર્યવાહીને વખાણ્યું છે અને ઘાયલ કે જાનહાનિ વગર આ દુર્ઘટનાનો સફળ અંત આવ્યો હોવાનું જણાવ્યું છે. કંપનીના પ્રવક્તાએ જણાવ્યું કે, આ ઘટના ટેકનિકલ ખામીને કારણે થઇ હતી અને વિમાનની સર્વિસિંગ અને સુરક્ષા પ્રોટોકોલ્સની પુનઃસમીક્ષા હાથ ધરવામાં આવશે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
