Bindia
દેશની સૌથી મોટી જાહેર ક્ષેત્રની બેંક સ્ટેટ બેંક ઓફ ઈન્ડિયા (SBI)ના કરોડો ગ્રાહકો માટે મહત્વની ચેતવણી સામે આવી છે. છેલ્લા કેટલાક દિવસોથી WhatsApp પર એક ખતરનાક મેસેજ વાયરલ થઈ રહ્યો છે, જેમાં દાવો કરવામાં આવે છે કે જો તરત આધાર કાર્ડ અપડેટ નહીં કરવામાં આવે, તો YONO મોબાઈલ એપ બ્લોક કરી દેવામાં આવશે. આ મેસેજ સાથે એક અજાણી APK ફાઈલ મોકલવામાં આવી રહી છે, જેને ઇન્સ્ટોલ કરવા માટે દબાણ કરવામાં આવે છે.
હકીકતમાં આ મેસેજ સંપૂર્ણ નકલી છે અને સાયબર ઠગો દ્વારા ગ્રાહકોને છેતરવા માટે રચાયેલ જાળ છે.
SBIની સત્તાવાર ચેતવણી
SBIએ આ બાબતે સ્પષ્ટતા કરતા જણાવ્યું છે કે બેંક ક્યારેય WhatsApp, SMS અથવા કોલ દ્વારા કોઈ લિંક કે APK ફાઈલ મોકલતી નથી અને ન તો વ્યક્તિગત માહિતી માંગે છે. જો કોઈ ગ્રાહક ભૂલથી પણ આ APK ફાઈલ ડાઉનલોડ કરે, તો હેકર્સને મોબાઈલનો સંપૂર્ણ કંટ્રોલ મળી શકે છે.
આ પ્રકારનું મેલવેર:
– બેંકિંગ પાસવર્ડ અને PIN ચોરી શકે છે
– OTP વાંચી શકે છે
– થોડી જ મિનિટોમાં આખું બેંક એકાઉન્ટ ખાલી કરી શકે છે
– બેંકે ગ્રાહકોને સલાહ આપી છે કે આવા મેસેજ મોકલતા WhatsApp નંબરને તરત બ્લોક અને રિપોર્ટ કરો.
PIB ફેક્ટ ચેકે મેસેજને નકલી જાહેર કર્યો
સરકારની ફેક્ટ ચેક એજન્સી PIB Fact Checkએ પણ આ વાયરલ મેસેજને ફેક જાહેર કર્યો છે. PIBએ સ્પષ્ટ કહ્યું છે કે આધાર અપડેટ ન થવાને કારણે કોઈ બેંક એપ બ્લોક થતી નથી. તમામ એપ્સ હંમેશા Google Play Store અથવા Apple App Store પરથી જ ડાઉનલોડ કરવી જોઈએ.
શું કરશો જો શંકાસ્પદ મેસેજ મળે?
– કોઈ પણ અજાણી લિંક કે APK ફાઈલ ડાઉનલોડ ન કરો
– તમારો PIN, પાસવર્ડ કે OTP કોઈ સાથે શેર ન કરો
– શંકાસ્પદ લેવડદેવડ જણાય તો તરત સાયબર ક્રાઈમ હેલ્પલાઈન 1930 પર કોલ કરો
– અથવા cybercrime.gov.in પર ફરિયાદ નોંધાવો
બેંકિંગ સુરક્ષા માટે મોબાઈલમાં એન્ટી-વાયરસ સોફ્ટવેર રાખવો અને ફક્ત સત્તાવાર વેબસાઈટ તથા એપનો જ ઉપયોગ કરવો જરૂરી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
