Bindia Digital
ભારત-પાકિસ્તાન સરહદે ભારે તણાવ વચ્ચે માનવતા ઝીલકતી એક ઘટના સામે આવી છે. પાકિસ્તાને 20 દિવસ બાદ ભારતીય BSF જવાન પૂર્ણમ કુમાર શોને મુક્ત કરી દીધા છે. પૂર્ણમ બુધવારે સવારે 10:30 વાગ્યે અટારી-વાઘા બોર્ડરથી ભારત પરત ફર્યા. DGMO સ્તરની ચર્ચા અને સતત દબાણ બાદ આ મુક્તિ શક્ય બની. BSF દ્વારા જાહેર કરાયેલી માહિતી મુજબ, 23 એપ્રિલના રોજ ફિરોઝપુર સેક્ટરમાં ઓપરેશનલ ડ્યૂટી દરમિયાન પૂર્ણમ શો ભૂલથી પાકિસ્તાની હદમાં પ્રવેશી ગયા હતા. પાકિસ્તાની રેન્જર્સે તેમને ઝીરો લાઇન પાર કરતાં પકડી લીધા અને હથિયાર પણ જપ્ત કરી લીધા.
પાકિસ્તાને 24 એપ્રિલે શોની બે તસવીરો પણ જાહેર કરી હતી—એક ઝાડ નીચે ઉભેલા અને બીજી તસવીરમાં આંખો પર પટ્ટી બાંધેલી હાલતમાં, એક કારમાં બેઠેલા.
મુક્તિ માટે ચાલ્યું રાજનૈતિક અને સૈનિક સ્તરે દબાણ:- BSFના વરિષ્ઠ અધિકારીઓએ તરત જ ઘટનાસ્થળે પહોંચીને પાકિસ્તાની રેન્જર્સ સાથે વાતચીત શરૂ કરી. ત્રણ ફ્લેગ મીટિંગો થઈ, પરંતુ શરૂઆતમાં કોઈ જ પરિણામ ન આવ્યું. ભારત તરફથી કહાયું કે જવાને તાજેતરમાં બદલી પામી હતી અને તેને ઝીરો લાઇન વિશે પૂરતું જ્ઞાન ન હતું. DGMO સ્તરે થયેલી ચર્ચા અને સતત દબાણ પછી, આખરે પાકિસ્તાને પૂર્ણમ શોને મુક્ત કર્યા.
પરિવારની વ્યથા: ગર્ભવતી પત્ની પણ પહોંચી ફિરોઝપુર:- જવાનની પત્ની રજની શો, જેઓ ગર્ભવતી છે, પણ પતિને પરત લાવવા માટે પશ્ચિમ બંગાળથી ફિરોઝપુર પહોંચી હતી. બે દિવસ ત્યાં રહી પણ તબિયત ખરાબ થવાને કારણે પાછા મોકલવામાં આવી હતી. તેમના પરિવાર માટે આ 20 દિવસ અત્યંત તણાવપૂર્ણ રહ્યા.
તબીબી તપાસ બાદ મળશે રજા:- મુક્તિ બાદ શોને તબીબી તપાસ માટે લઈ જવામાં આવ્યા છે. સ્વાસ્થ્ય પરીક્ષણ અને પુછપરછ બાદ તેમને રજા આપવામાં આવશે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: b_india.digital
Bindia
