Bindia
સ્વચ્છ ભારત મિશન અર્બન 2.0 અને સ્વચ્છ સર્વેક્ષણ 2025-26 અંતર્ગત નવસારી શહેરને ‘ઝીરો વેસ્ટ’ બનાવવાના હેતુસર નવસારી મહાનગરપાલિકા દ્વારા એ.એમ.સી ટાઉનહોલ ખાતે સફાઈ કર્મચારીઓ માટે વિશેષ તાલીમ શિબિરનું આયોજન કરવામાં આવ્યું હતું. સવારે 10:30 થી સાંજે 4:00 કલાક સુધી યોજાયેલી આ શિબિરમાં કચરાના વૈજ્ઞાનિક વ્યવસ્થાપન અને વર્ગીકરણ અંગે વિસ્તૃત માર્ગદર્શન આપવામાં આવ્યું.
તાલીમ દરમિયાન ઇન્ડિયા ઇન્સ્ટિટ્યૂટ ઓફ લોકલ સેલ્ફ ગવર્નમેન્ટના નિષ્ણાતોએ સફાઈ કર્મચારીઓને કચરાના સંચાલન, રિસાયક્લિંગ પદ્ધતિઓ અને સ્વચ્છતાની આધુનિક ટેકનિક અંગે પ્રાયોગિક માહિતી આપી. પ્લાસ્ટિક, કાગળ, ધાતુ, બાયો-મેડિકલ કચરો તેમજ ઇ-વેસ્ટના યોગ્ય નિપટારા અંગે પણ માર્ગદર્શન અપાયું.
કાર્યક્રમના પ્રારંભે ડેપ્યુટી મ્યુનિસિપલ કમિશનરે કર્મચારીઓને સંબોધતા જણાવ્યું હતું કે તાલીમમાં પ્રાપ્ત જ્ઞાનથી શહેરની સ્વચ્છતા વધુ મજબૂત બનશે અને સ્વચ્છ ભારત મિશનના લક્ષ્યો હાંસલ કરવામાં સહાય મળશે. મ્યુનિસિપલ કમિશનરે પણ કર્મચારીઓને પ્રેરણાદાયી સંદેશ આપતા કહ્યું કે દરેક કર્મચારીના સમર્પણથી નવસારી ‘ઝીરો વેસ્ટ’ દિશામાં આગળ વધી શકે છે.
શિબિરમાં પીઈટી, એચડીપીઈ, પીવીસી, એલડીપીઈ, પીપી, પી.એસ. જેવા વિવિધ પ્રકારના પ્લાસ્ટિકના ઉપયોગ અને રિસાયક્લિંગ પ્રક્રિયા સમજાવવામાં આવી. ઉપરાંત કાગળ, ધાતુ, જૈવિક અને ખતરનાક કચરાના વૈજ્ઞાનિક નિકાલ અંગે વિગતવાર સમજ અપાઈ. સમગ્ર તાલીમ ‘રીયુઝ, રિડ્યૂસ અને રિસાયકલ’ના સિદ્ધાંત પર આધારિત રહી.
નવસારી મહાનગરપાલિકાના આ પ્રયત્નથી સફાઈ કર્મચારીઓમાં કચરાના વૈજ્ઞાનિક સંચાલન અંગે જાગૃતિ વધશે અને સ્વચ્છ સર્વેક્ષણ 2025-26માં શહેરને ઉત્તમ પ્રદર્શન માટે મદદરૂપ થશે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
