Bindia
મહારાષ્ટ્રના નાયબ મુખ્યમંત્રી અજિત પવારના આજે તેમના વતન બારામતીમાં અંતિમ સંસ્કાર કરવામાં આવી રહ્યા છે. બુધવારે વિમાન દુર્ઘટનામાં તેમનું અવસાન થયું હતું. અજિત પવારના અવસાન બાદ રાજ્ય સરકારે ત્રણ દિવસનો રાજ્ય શોક જાહેર કર્યો છે. અજિત પવારના અંતિમ સંસ્કાર આજે સવારે 11 વાગ્યે બારામતીના વિદ્યા પ્રતિષ્ઠાન મેદાનમાં રાજ્ય સન્માન સાથે કરવામાં આવશે.
અજિત પવારના અંતિમ સંસ્કાર તેમના રાજકીય ગઢ બારામતીના વિદ્યા પ્રતિષ્ઠાન સ્મશાનગૃહમાં સંપૂર્ણ રાજ્ય સન્માન સાથે કરવામાં આવી રહ્યા છે. મહારાષ્ટ્રના સ્વર્ગસ્થ નાયબ મુખ્યમંત્રી અજિત પવારના પત્ની અને રાજ્યસભા સાંસદ સુનેત્રા પવારે તેમના પતિને અંતિમ શ્રદ્ધાંજલિ આપી. મહારાષ્ટ્રના મુખ્યમંત્રી દેવેન્દ્ર ફડણવીસ અને નાયબ મુખ્યમંત્રી એકનાથ શિંદેએ અજિત પવારના પાર્થિવ દેહને શ્રદ્ધાંજલિ આપી. ગૃહમંત્રી અમિત શાહે બારામતીમાં મહારાષ્ટ્રના દિવંગત નાયબ મુખ્યમંત્રી અજિત પવારને શ્રદ્ધાંજલિ આપી હતી. આ પ્રસંગે તેમની સાથે NCPના વરિષ્ઠ નેતા પ્રફુલ્લ પટેલ પણ હાજર હતા.
ડેપ્યુટી સીએમ અજિત પવારનું બુધવારે, 28 જાન્યુઆરીના રોજ મહારાષ્ટ્રના બારામતીમાં વિમાન દુર્ઘટનામાં અચાનક અવસાન થયું. વિમાન લેન્ડ કરવાનો પ્રયાસ કરી રહ્યું હતું ત્યારે આ અકસ્માત થયો હતો, જેમાં અજિત પવાર, પાયલોટ કેપ્ટન સુમિત કપૂર, સહ-પાયલોટ શામ્ભવી પાઠક, ફ્લાઇટ એટેન્ડન્ટ પિંકી માલી અને વ્યક્તિગત સુરક્ષા અધિકારી વિદીપ જાધવનું મૃત્યુ થયું હતું. આ ઘટનાએ દેશભરમાં શોકનું મોજું ફરી વળ્યું છે.
ત્રણ દિવસનો રાજકીય શોક જાહેર
મહારાષ્ટ્ર સરકારે ત્રણ દિવસનો રાજકીય શોક જાહેર કર્યો છે. નાગરિક ઉડ્ડયન મંત્રાલય હેઠળ કાર્યરત AAIB આ અકસ્માતની તપાસ કરી રહ્યું છે. પોલીસે અકસ્માત મૃત્યુ અહેવાલ (ADR) પણ દાખલ કર્યો છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
