Bindia
ઝારખંડના લાતેહાર જિલ્લામાં રવિવારે એક ભયાનક માર્ગ અકસ્માત સર્જાયો હતો. મહુઆડાંડ પોલીસ સ્ટેશન વિસ્તાર હેઠળ આવેલા ઓરસા ઘાટીના જોખમી વળાંક પર મુસાફરોથી ભરેલી ખાનગી બસ કાબૂ બહાર જઈ ઊંડી ખીણમાં પલટી ગઈ હતી. આ દુર્ઘટનામાં પાંચ મુસાફરોના ઘટનાસ્થળે જ કરુણ મોત થયા છે, જ્યારે અનેક લોકો ગંભીર રીતે ઘાયલ થયા છે.
પ્રાપ્ત માહિતી અનુસાર, બસ ઓરસા ઘાટીના વળાંકવાળા રસ્તા પરથી પસાર થઈ રહી હતી ત્યારે ચાલકે નિયંત્રણ ગુમાવ્યું હતું. પરિણામે બસ રસ્તા પરથી લપસી જઈ ખીણમાં ખાબકી હતી. અકસ્માત એટલો ભયાનક હતો કે બસનો સંપૂર્ણ કચ્ચરઘાણ વળી ગયો અને અંદર બેઠેલા મુસાફરો બસની નીચે દબાઈ ગયા હતા.
અકસ્માતનો અવાજ સાંભળીને સ્થાનિક લોકો તાત્કાલિક ઘટનાસ્થળે પહોંચ્યા અને બચાવ કામગીરી શરૂ કરી હતી. ત્યારબાદ પોલીસને જાણ કરવામાં આવી. મહુઆડાંડ પોલીસ સ્ટેશનના પ્રભારી મનોજ કુમાર પોલીસ દળ સાથે ઘટનાસ્થળે પહોંચ્યા હતા અને સ્થાનિકોની મદદથી ઘાયલોને બહાર કાઢી નજીકની હોસ્પિટલમાં ખસેડવામાં આવ્યા હતા.
ઘાયલોમાંથી કેટલાકની હાલત ગંભીર હોવાનું જણાવાઈ રહ્યું છે, જેના કારણે મૃત્યુઆંક વધવાની શક્યતા છે. પોલીસે મૃતદેહોને પોસ્ટમોર્ટમ માટે મોકલી આપ્યા છે અને અકસ્માતના ચોક્કસ કારણોની તપાસ શરૂ કરી છે. પ્રાથમિક તપાસ મુજબ, વધુ પડતી ઝડપ અથવા બ્રેક ફેલ થવાને કારણે અકસ્માત થયો હોવાની આશંકા વ્યક્ત કરવામાં આવી રહી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
