Bindia
તહેવારોની સિઝનમાં મુસાફરોની વધતી ભીડ વચ્ચે ભારતીય રેલ્વેના જમ્મુ રેલવે ડિવિઝને ટિકિટ વગર તથા અનિયમિત રીતે મુસાફરી કરનારાઓ સામે મોટાપાયે કાર્યવાહી હાથ ધરી છે. માત્ર છેલ્લા 10 દિવસમાં 2,500થી વધુ મુસાફરો પાસેથી કુલ ₹32 લાખથી વધુનો દંડ વસૂલવામાં આવ્યો છે.
આ ઝુંબેશનું નેતૃત્વ સિનિયર ડિવિઝનલ કોમર્શિયલ મેનેજર ઉચિત સિંઘલ કરી રહ્યા છે. તેમના માર્ગદર્શન હેઠળ જમ્મુ ડિવિઝનના તમામ રેલવે સ્ટેશનો પર વિશેષ ટિકિટ ચેકિંગ ડ્રાઈવ ચલાવવામાં આવી હતી. આ ઝુંબેશનો હેતુ ગેરકાયદેસર મુસાફરી રોકીને રેલવેની આવકમાં વધારો કરવાનો અને નિયમિત મુસાફરોને સુવિધાજનક સફર પૂરી પાડવાનો છે.
તહેવારોના દિવસોમાં દૈનિક ચેકિંગ અભિયાન ચલાવવામાં આવતું હતું, જેમાં અસિસ્ટન્ટ કોમર્શિયલ મેનેજર મનોજ મીણા અને ચીફ ટિકિટ ઇન્સ્પેક્ટર અબ્દુલ રશીદ સહિતના અધિકારીઓની ટીમે ટ્રેનો (અપ અને ડાઉન બંને) અને વિવિધ સ્ટેશનો પર તપાસ હાથ ધરી હતી. માત્ર એક જ દિવસે રૂ. 7 લાખથી વધુનો દંડ વસૂલવામાં આવ્યો હતો, જેમાં 1,200 મુસાફરોને ટિકિટ વિના મુસાફરી માટે પકડવામાં આવ્યા હતા.
રેલવે પ્રશાસનના જણાવ્યા મુજબ, આ ઝુંબેશના પરિણામે રેલવેની આવકમાં વધારો થયો છે અને મુસાફરોમાં નિયમ પાલન વિશે જાગૃતિ વધી છે. પ્રશાસને સ્પષ્ટ કર્યું છે કે આવી કાર્યવાહી નિયમિત રીતે ચાલુ રહેશે અને મુસાફરોને માન્ય ટિકિટ લઈને જ મુસાફરી કરવાની અપીલ કરવામાં આવી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
