Bindia
ભારતીય અવકાશ સંશોધન સંસ્થા (ISRO) 12 જાન્યુઆરી, 2026 ના રોજ પોતાની પ્રથમ લોન્ચિંગ સાથે નવી ઊંચાઈને સ્પર્શશે. સતીશ ધવન સ્પેસ સેન્ટર, શ્રી હરિકોટાથી સવારે 10.17 વાગ્યે PSLV-C62 રોકેટ દ્વારા DRDO વિકસિત EOS-N1 સેટેલાઈટ લોન્ચ કરવામાં આવશે. EOS-N1, જેને ‘દિવ્ય દ્રષ્ટિ’ તરીકે ઓળખવામાં આવે છે, હાઈપરસ્પેક્ટ્રલ ઈમેજિંગ ટેકનોલોજી સાથે સજ્જ છે અને દેશની સુરક્ષા તેમજ પર્યાવરણીય દેખરેખ બંનેમાં મહત્વપૂર્ણ ફાયદો આપશે.
આ મિશનમાં EOS-N1 સિવાય 14 અન્ય સહયાત્રી સેટેલાઈટ્સ પણ સામેલ છે, જેમાં ભારતીય અને આંતરરાષ્ટ્રીય ગ્રાહકોના સેટેલાઈટ્સ છે, જે ન્યૂ સ્પેસ ઈન્ડિયા લિમિટેડ દ્વારા લોન્ચ કરવામાં આવશે. PSLV-C62 PSLV-DL વેરિએન્ટમાં 4 સ્ટેજ અને બે સ્ટ્રેપ-ઓન બુસ્ટર્સ છે, જે 1,750 કિગ્રા પેલોડને સન સિંક્રોનસ ઓર્બિટમાં પહોંચાડશે.
EOS-N1 (અન્વેષા) 600 કિમીની ઊંચાઈ પર સન સિંક્રોનસ ઓર્બિટમાં કામ કરશે. હાઈપરસ્પેક્ટ્રલ ઈમેજિંગના માધ્યમથી સેટેલાઈટ પૃથ્વીના પર્યાવરણ અને સરહદી વિસ્તારમાં છુપાયેલા જોખમોને નિરીક્ષણ કરશે. તેનું વજન 150-200 કિગ્રા અને આયુષ્ય આશરે 5-7 વર્ષ રહેશે.
આ મિશન ISRO માટે વિશેષ મહત્વ ધરાવે છે, ખાસ કરીને ગયા વર્ષે PSLVની નિષ્ફળતા બાદ, આ મિશન કમબેક મિશન તરીકે જોવામાં આવે છે. લૉન્ચનું લાઈવ સ્ટ્રીમ ISROની યુટ્યૂબ ચેનલ પર સવારે 9.48 વાગ્યે શરૂ થશે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
