Bindia
અમેરિકાના રાષ્ટ્રપતિ ડોનાલ્ડ ટ્રમ્પે રવિવારે એવા દેશોની યાદી જાહેર કરી છે, જેમના નાગરિકોને અમેરિકા ખાતે સરકારી અને કલ્યાણકારી સહાય મળે છે. આ યાદીમાં પાકિસ્તાન, બાંગ્લાદેશ, ભૂટાન, ચીન અને નેપાળ જેવા દેશોનો સમાવેશ થાય છે, પરંતુ ભારતનો સમાવેશ કરવામાં આવ્યો નથી.
ટ્રમ્પે આ માહિતી તેમના સોશિયલ મીડિયા પ્લેટફોર્મ પર શેર કરી હતી. યાદીનું શીર્ષક હતું “મૂળ દેશ મુજબ ઇમિગ્રન્ટ કલ્યાણ પ્રાપ્તકર્તા દર”, જેમાં આશરે 120 દેશો અને પ્રદેશોનો સમાવેશ કરવામાં આવ્યો છે. આ ડેટા દર્શાવે છે કે અમેરિકામાં રહેતા કયા દેશોના કેટલા ટકા ઇમિગ્રન્ટ પરિવારો સરકારી સહાય મેળવે છે.
કયા દેશોને કેટલી સહાય?
યાદી મુજબ,
– બાંગ્લાદેશના 54.8 ટકા ઇમિગ્રન્ટ પરિવારોને સહાય મળે છે
– યુક્રેનના 42.7 ટકા
– પાકિસ્તાનના 40.2 ટકા
– નેપાળના 34.8 ટકા
– ચીનના 32.9 ટકા
– ઇઝરાયલ/પેલેસ્ટાઇનના 25.9 ટકા ઇમિગ્રન્ટ પરિવારોને કલ્યાણકારી સહાય મળે છે
– એશિયા માટે આ સરેરાશ આંકડો 38.8 ટકા દર્શાવવામાં આવ્યો છે.
ભારત યાદીમાં કેમ નથી?
ભારતનું નામ આ યાદીમાં ન હોવા છતાં, આંકડા બતાવે છે કે અમેરિકામાં રહેતા ભારતીય મૂળના લોકોની આવક સૌથી વધુ છે. પ્યુ રિસર્ચ સેન્ટર અનુસાર, ભારતીય અમેરિકનો અમેરિકા ખાતે બીજા ક્રમનું સૌથી મોટું એશિયન અમેરિકન સમુદાય છે, જે કુલ એશિયન વસ્તીના આશરે 21 ટકા છે.
ભારતીય અમેરિકનોની આવક સૌથી ઊંચી
2023માં,
– ભારતીય-અમેરિકન પરિવારોની સરેરાશ વાર્ષિક આવક $151,200 હતી
– તમામ એશિયન પરિવારોની સરેરાશ આવક $151,600 રહી
– ભારતીય ઇમિગ્રન્ટ પરિવારોની આવક, યુએસ નાગરિક ભારતીય પરિવારો કરતાં પણ વધુ નોંધાઈ
આ ઉપરાંત, 16 વર્ષથી વધુ ઉંમરના ભારતીય અમેરિકનોની સરેરાશ વાર્ષિક આવક $85,300 હતી, જે સમગ્ર એશિયન સમુદાયની સરેરાશ આવક કરતાં નોંધપાત્ર રીતે વધારે છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
