Bindia
અનુભવી ભારતીય બેટ્સમેન ROKO (રોહિત શર્મા અને વિરાટ કોહલી) 223 દિવસ પછી આંતરરાષ્ટ્રીય ક્રિકેટમાં પાછા ફર્યા, પરંતુ બંનેમાંથી કોઈ અડધો કલાક પણ ટકી શક્યું નહીં. પર્થમાં ઓસ્ટ્રેલિયા સામેની પહેલી વનડેમાં ભારતની શરૂઆત ખરાબ રહી હતી, અને રોહિત અને કોહલી કોઈ પ્રભાવ પાડવા નિષ્ફળ રહ્યા. ચેમ્પિયન્સ ટ્રોફી ફાઇનલ બાદ આ બંને ખેલાડીઓ પહેલી વાર ભારત માટે રમ્યા હતા, પરંતુ તેમનું કમબેક યાદગાર રહ્યું ન હતું.
ઓસ્ટ્રેલિયાના કેપ્ટન મિશેલ માર્શે ભારત સામેની પ્રથમ વનડેમાં ટોસ જીતીને પ્રથમ બોલિંગ કરવાનો નિર્ણય લીધો. આ મેચમાં ઓલરાઉન્ડર નીતિશ કુમાર રેડ્ડી ભારત માટે વનડે ડેબ્યૂ કરી રહ્યા છે, જ્યારે ઓસ્ટ્રેલિયાએ પણ બે નવા ચહેરાઓને તક આપી છે. પર્થમાં રમાઈ રહેલી પ્રથમ મેચમાં ભારતીય ટીમ ત્રણ ફાસ્ટ બોલર અને એટલા જ ઓલરાઉન્ડરો સાથે રમવા આવી છે. ભારતીય ટીમે વનડેમાં સતત 16મી વખત ટોસ હાર્યો છે. આ ફોર્મેટમાં ભારતે છેલ્લી વખત ટોસ જીત્યો હતો જ્યારે તે 2023ના ODI વર્લ્ડ કપની સેમિફાઇનલમાં ન્યુઝીલેન્ડ સામે હતો.
ભારતની ખરાબ શરૂઆત
વરસાદને કારણે ભારત અને ઓસ્ટ્રેલિયા વચ્ચેની પ્રથમ વનડે મેચમાં વિક્ષેપ પડ્યો હતો જેના કારણે મેચ રોકવી પડી હતી. વાદળછાયા વાતાવરણમાં ભારતની શરૂઆત સારી નહોતી અને તેણે 8.5 ઓવરમાં 3 વિકેટે 25 રન બનાવ્યા હતા. જોકે થોડા સમય પછી મેચ ફરી શરૂ થઈ, એક ઓવર કાપીને મેચ 49 ઓવરની કરવાનો નિર્ણય લેવામાં આવ્યો. ભારતે રોહિત શર્મા, વિરાટ કોહલી અને કેપ્ટન શુભમન ગિલની વિકેટ ગુમાવી દીધી. રોહિત અને કોહલી સાત મહિના બાદ કમબેક કર્યું છે પરંતુ તેઓ તેને યાદગાર બનાવી શક્યા નથી.
કોહલી પોતાનું ખાતું પણ ખોલી શક્યો નહીં.
ભારતને રોહિત શર્માના રૂપમાં પહેલો ઝટકો લાગ્યો. રોહિત 223 દિવસ પછી મેદાન પર પાછો ફર્યો, પરંતુ ક્રીઝ પર ફક્ત 16 મિનિટ જ ટકી શક્યો. તે જોશ હેઝલવુડના બોલ પર સ્લિપમાં કેચ થયો. પોતાની 500મી આંતરરાષ્ટ્રીય મેચ રમી રહેલો રોહિત તેને યાદગાર બનાવવામાં નિષ્ફળ ગયો, તેણે 14 બોલમાં એક ચોગ્ગા સાથે આઠ રન બનાવ્યા. રોહિત શર્મા પછી, વિરાટ કોહલી પણ પેવેલિયન પાછો ફર્યો. કોહલી પોતાનું ખાતું પણ ખોલી શક્યો નહીં અને મિશેલ સ્ટાર્કના બોલ પર કોનોલી દ્વારા કેચ થયો. રોહિત અને કોહલીની વાપસીથી ચાહકો ઉત્સાહિત હતા, પરંતુ પ્રથમ મેચમાં બંને ખેલાડીઓ બેટથી નિષ્ફળ ગયા. મેચ ભારતીય સમય મુજબ સવારે 9 વાગ્યે શરૂ થઈ, અને ભારતે 9:30 વાગ્યા પહેલા રોહિત અને કોહલીની વિકેટ ગુમાવી દીધી. આનો અર્થ એ થયો કે આ બે દિગ્ગજ ખેલાડીઓ પાછા ફર્યા પછી ક્રીઝ પર અડધો કલાક પણ વિતાવી શક્યા નહીં.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
