આગામી ચૂંટણીઓમાં કેટલાંયે સિટિંગ ઉમેદવારો કપાઈ જશે

15 વર્ષથી વસતિ ગણતરી થઈ નથી, 27 ટકા OBC અનામત, રોટેશન અને 50 ટકા મહિલા અનામત

સમગ્ર રાજ્યમાં એક તરફ મહાનગરપાલિકાઓ, જિલ્લા અને તાલુકા પંચાયતોની ચૂંટણીઓ માટે રાજકીય પક્ષોએ દોડધામ તેજ બનાવી દીધી છે, બીજી તરફ વસતિના પ્રમાણમાં ઉમેદવારોને તક મળશે કે કેમ એ બાબતે ભંભેખંભ ચાલી રહ્યું છે કારણ કે પાછલાં પંદર વર્ષથી વસતિ ગણતરી થઈ નથી, ક્યા મતવિસ્તારમાં કઈ જ્ઞાતિના ખરેખર કેટલાં મત છે એ કોઈને ખબર નથી. વસતિ ગણતરી વર્ષોથી થઈ ન હોય, જેતે મતવિસ્તારની સાચી પરિસ્થિતિઓ શું છે, શું તેના સત્તાવાર આંકડાઓ કયાંય, કોઈ પાસે છે નહીં, આથી વિવિધ સમાજોને પૂરતું પ્રતિનિધિત્વ મળશે કે કેમ- એ ભગવાન જાણે. બીજી તરફ આ ચૂંટણીઓ દરમ્યાન 27 ટકા OBC અનામતનો અમલ કરવાનો હોય, જનરલ કેટેગરીના કેટલાંયે સિટિંગ સ્થાનિક નેતાઓ ચૂંટણીઓ લડી શકશે નહીં.

આ ઉપરાંત 2015 અને 2021 પછી હવે આ ચૂંટણીઓમાં SC-ST વર્ગના ઉમેદવારો માટે ત્રીજું રોટેશન લાગુ પડશે, એમાંયે ઘણાંનો છેદ ઉડી જશે અને જનરલ બધી જ ચૂંટણીઓમાં 50 ટકા મહિલા ઉમેદવાર મૂકવા પડશે, આ બધી બાબતોને કારણે જનરલ કેટેગરીના ઘણાં બધાં પુરૂષ ઉમેદવારો આખી રમતમાંથી બાદ થઈ જશે, આ પ્રકારના ઉમેદવારોએ પત્નીઓને ‘આગળ‘ કરવી પડશે, OBC વર્ગમાં પણ ઘણી મહિલાઓ ચૂંટણીઓના મેદાનમાં ઉભરી આવશે.

ટૂંકમાં, આગામી ચૂંટણીઓ ઉમેદવાર પસંદગીઓ બાબતે અગાઉની ચૂંટણીઓ કરતાં અલગ રહેનાર હોય, પસંદગીકારો માટે પણ મામલો પેચીદો બની જશે અને સાથેસાથે રાજકારણની ABCDથી અજાણ કેટલાંયને, ખાસ કરીને મહિલાઓને લોટરી લાગી જશે એમ હાલ દેખાઈ રહ્યું છે. જામનગરમાં શું થશે ? થોભો, અને રાહ જૂઓ. અને જામનગરમાં આ વખતે તો વળી 3 પક્ષો છે એટલે 192 ઉમેદવાર તો 3 મુખ્ય પક્ષોના હશે, બાકીના ફૂટકળીયા વળી અલગ !

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in