Bindia
અમદાવાદ જિલ્લામાં ફરી એકવાર હાઇપ્રોફાઇલ દારૂ પાર્ટીનો કિસ્સો સામે આવ્યો છે. સાણંદ તાલુકાના નિર્વાણા ગ્રીન્સ વિકએન્ડ હોમ ખાતે ચાલી રહેલી દારૂ અને હુક્કાની મહેફિલ પર સાણંદ પોલીસે રેડ પાડી 81 યુવક-યુવતીઓને રંગેહાથે ઝડપી લીધા છે.
પોલીસને બાતમી મળી હતી કે નિર્વાણા ગ્રીન્સ વિકએન્ડ હોમમાં ખાનગી રીતે દારૂ પાર્ટીનું આયોજન કરવામાં આવ્યું છે. બાતમીના આધારે પોલીસે સ્થળ પર રેડ કરતાં ત્યાં 11 ટેબલ પર કેક, હુક્કા અને મોંઘા દારૂની બોટલો પીરસવામાં આવી રહી હતી. રેડ દરમિયાન 10થી વધુ હુક્કા તેમજ મોટી સંખ્યામાં વિદેશી દારૂની બોટલો કબ્જે કરવામાં આવી છે.
81 લોકોની કરાઇ અટકાયત
પોલીસે કુલ 38 યુવતીઓ અને 43 યુવકો સહિત 81 લોકોની અટકાયત કરી છે. ધરપકડ કરાયેલા પૈકી મોટા ભાગના લોકોની ઉંમર 35થી 40 વર્ષથી વધુ હોવાનું સામે આવ્યું છે, જે ઘટનાને વધુ ચોંકાવનારી બનાવે છે. રેડ બાદ તમામ આરોપીઓને સાણંદની સરકારી હોસ્પિટલમાં મેડિકલ ટેસ્ટ માટે લઈ જવાયા હતા. ઘટનાસ્થળેથી મુદ્દામાલ કબ્જે કરી પોલીસે વધુ તપાસ શરૂ કરી છે કે દારૂ ક્યાંથી લાવવામાં આવ્યો હતો અને પાર્ટીનું આયોજન કોણે કર્યું હતું.
20 જુલાઇના પણ ઝડપાઇ હતી
ઉલ્લેખનીય છે કે ગત 20 જુલાઈએ પણ સાણંદમાંથી જ દારૂ પાર્ટી ઝડપાઈ હતી, જેમાં ગ્લેડ ગોલ્ફ રિસોર્ટમાંથી અંદાજે 39 લોકો ઝડપાયા હતા. સાણંદ અને આસપાસના વિસ્તારોમાં અવારનવાર ખાનગી ફાર્મહાઉસ અને વિકએન્ડ હોમમાંથી દારૂ પાર્ટી ઝડપાવાની ઘટનાઓ સામે આવતાં પોલીસની કાર્યવાહી પર પણ સવાલ ઊભા થયા છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
