Bindia
કલોલ તાલુકાના નારદીપુર ગામમાંથી આંસુ ભરી નાખે તેવી દુખદ ઘટના સામે આવી છે. અહીં ત્રણ દલિત યુવાનોએ તળાવમાં ઝંપલાવી આપઘાત કરી લીધો હોવાનો મામલો પ્રકાશમાં આવ્યો છે. યુવકોના આપઘાત પહેલાંનો વીડિયો સોશિયલ મીડિયા પર વાયરલ થતા ગામમાં શોક અને ચકચારનો માહોલ છવાઈ ગયો છે.
મૃતક યુવાનોની ઓળખ:
– ધૈર્ય જીતેન્દ્રકુમાર શ્રીમાળી (ઉ.વ. 22)
– કૌશિકકુમાર કનુભાઈ મહેરીયા (ઉ.વ. 24)
– અશોકકુમાર નરસિંહભાઈ વાઘેલા (ઉ.વ. 35)
ત્રણે યુવાનો નારદીપુર ગામના રહેવાસી હતા અને આશરે સાંજે ભમ્મરીયા વડ પાસે આવેલા તળાવમાં ઝંપલાવી આપઘાત કર્યો હતો.
વીડિયો બનાવ્યો અને શેર કર્યો
આપઘાત કરતા પહેલા યુવકોમાંના એકએ મોબાઇલ ફોન પર વીડિયો રેકોર્ડ કર્યો હતો, જેમાં ત્રણે જણા નમ્ર અવાજે વાત કરતાં અને પોતાના જીવનથી અકળાઈ ગયાનું વ્યક્ત કરતાં જોવા મળે છે. વીડિયોમાં તેઓએ પોતાનું નિર્ણય અંતિમ હોવાનું પણ જણાવ્યું છે. વીડિયોના આધારે પ્રાથમિક દ્રષ્ટિએ આ ઘટના પૂર્વનિયોજિત લાગી રહી છે.
પોલીસ તપાસ શરૂ
ગટનાની જાણ થતાં પોલીસ તાત્કાલિક સ્થળ પર પહોંચી હતી. ત્રણેય મૃતદેહોને તળાવમાંથી બહાર કાઢી પોસ્ટમોર્ટમ માટે કલોલ સરકારી દવાખાને ખસેડવામાં આવ્યા છે. પોલીસે ઘટનાની તપાસ શરૂ કરી છે અને વિડીયો, યુવાનોની કોલ ડિટેઇલ્સ અને સામાજિક માહોલને આધારે વધુ તપાસ કરવામાં આવી રહી છે.
સામાજિક તણાવ કે અન્ય કારણો?
ત્રણે યુવાનોના પરિવારે સામાજિક તણાવ, ભેદભાવ કે અન્ય દબાણને કારણે આપઘાત કર્યો હોવાની શક્યતા વ્યક્ત કરી છે. ગ્રામજનો અને સ્થાનિક સંગઠનો દ્વારા આ ઘટનાની ઊંડી તપાસ કરીને જે પણ જવાબદાર હોય તેમ સામે કડક પગલા લેવાની માંગ કરવામાં આવી રહી છે.
ગામમાં શોકની લાગણી અને તંત્ર સામે પ્રશ્નો
નારદીપુર ગામમાં ત્રણ યુવાનોએ પોતાના જીવ આપી દીધા બાદ એક ઘનઘોર શોકનો માહોલ છવાઈ ગયો છે. ખાસ કરીને આ ત્રણેય યુવકો સમાજના પીછેહઠ આવેલા વર્ગના હોવાથી સમગ્ર સમાજમાં આ ઘટનાની સામે ભારે આક્રોશ છે. લોકો પ્રશ્ન કરી રહ્યાં છે કે આજે પણ યુવાઓને આકરા પગલા ભરવા મજબૂર થવું પડે છે એ પાછળનું સાચું કારણ શું છે?
